“Paghigugma, Pagpaambit, Pagdapit,” Alang sa Kalig-on sa mga Kabatan-onan, Mayo 2022.
Dominggo sa Buntag nga Sesyon
Paghigugma, Pagpaambit, Pagdapit
Mga Kinutlo
Ang mga miyembro sa nag-unang Simbahan, gikan sa labing bag-o ngadto sa labing hanas, misanong sa dako nga mando sa Manluluwas, mipakigbahin sa maayong balita sa ebanghelyo ngadto niadtong ilang nahimamat ug nakaila. …
Kita usab, isip mga disipulo ni Kristo, gidapit sa pagpatalinghog sa Iyang mando karon. …
… Salamat na lang, ang dakong mando sa Manluluwas matuman pinaagi sa yano, sayon sabton nga mga baroganan nga gitudlo sa matag usa kanato gikan pa sa pagkabata: paghigugma, pagpaambit, ug pagdapit. …
Ang una natong mahimo mao ang paghigugma sama sa paghigugma ni Kristo. …
Sa matag higayon nga atong gipakita ang Kristohanon nga gugma ngadto sa atong mga silingan, atong gisangyaw ang ebanghelyo—bisan kon wala kitay bisan usa ka pulong nga gisulti. …
Ang atong gilaoman, siyempre, mao nga ilang dawaton ang atong gugma ug ang atong mensahe, bisan tuod ang ilang reaksiyon dili nato makontrolar. …
Ang ikaduhang butang nga atong mahimo mao ang pagpaambit. …
Kitang tanan napakigbahin og mga butang ngadto sa uban. …
Unsaon kaha nato aron yano nga makadugang ngadto sa lista sa mga butang nga ato nang napakigbahin kon unsa ang atong ganahan mahitungod sa ebanghelyo ni Jesukristo? …
Ang ikatulong butang nga inyong mahimo mao ang pagdapit. …
Adunay daghan kaayong mga pagdapit nga mahimo natong ipaabot ngadto sa uban. Makadapit kita sa uban sa “pagduol ug pagtan-aw.” …
Dapiton ko kamo sa pagkonsiderar og mga paagi nga kamo makahigugma, makapaambit, ug makadapit. Samtang inyo kining buhaton, mobati kamo og sukod sa kalipay kay nasayod nga nagpatalinghog kamo sa mga pulong sa atong minahal nga Manluluwas.