“Misyonaryo nga Pagserbisyo Mipanalangin sa Akong Kinabuhi sa Kahangtoran,” Alang sa Kalig-on sa mga Kabatan-onan, Mayo 2022.
Sabado sa Buntag nga Sesyon
Misyonaryo nga Pagserbisyo Mipanalangin sa Akong Kinabuhi sa Kahangtoran
Mga Kinutlo
Samtang akong gilantaw og balik ang akong kinabuhi, nakita nako ang piho nga mga kasinatian nga nakahimo og mahinungdanon nga kalainan. Usa nianang mga kasinatian mao nga kon sa unsang paagi nga ang akong full-time nga misyonaryo nga pagserbisyo isip batan-ong lalaki didto sa England mipanalangin sa akong kinabuhi ug miumol sa akong espirituhanong padulngan. …
Ang akong misyonaryo nga pagserbisyo miandam nako nga mahimong mas maayo nga bana ug amahan ug mahimong malamposon sa negosyo. Kini miandam usab nako alang sa tibuok kinabuhi nga pagserbisyo sa Ginoo diha sa Iyang Simbahan. …
Ang Ginoo nakaila ninyo. Kon kamo magserbisyo sa inyong misyon, kamo makabaton og mga kasinatian nga makatabang ninyo nga mas makaila Kaniya. …
Isip Apostol ni Ginoong Jesukristo, ako nanawagan ninyo mga batan-ong lalaki—ug niadtong mga batan-ong babaye kinsa nagtinguha sa pagserbisyo og misyon—nga mosugod na karon sa pagpakig-istorya sa inyong mga ginikanan mahitungod sa pagserbisyo og misyon. Ako modapit usab ninyo sa pagpakig-istorya sa inyong mga higala mahitungod sa pagserbisyo og misyon, ug kon usa sa inyong mga higala dili sigurado mahitungod sa pagserbisyo, awhaga sila sa pagpakig-istorya sa ilang bishop.
Ipasalig sa inyong kaugalingon ug sa inyong Langitnong Amahan nga kamo moserbisyo og misyon ug nga sukad karon kamo maningkamot sa pagpabiling limpyo ug takos sa inyong mga kasingkasing, mga kamot, ug mga hunahuna. Ako modapit ninyo sa pagbaton og lig-ong pagpamatuod bahin sa gipahiuli nga ebanghelyo ni Jesukristo. …
Ako nag-ampo nga kamo mga batan-ong lalaki ug mga batan-ong babaye ug ang inyong mga ginikanan makakita ug masayod kon sa unsang paagi nga ang misyonaryo nga pagserbisyo mopanalangin sa inyong kinabuhi sa kahangtoran.