“Ang Inyong Diosnong Kinaiya ug Mahangtorong Padulngan,” Alang sa Kalig-on sa mga Kabatan-onan, Mayo 2022.
Kababayen-an nga Sesyon
Ang Inyong Diosnong Kinaiya ug Mahangtorong Padulngan
Mga Kinutlo
Ang mahinungdanong doktrina gitudlo diha sa tema sa Young Women importante alang sa mga batan-ong babaye, apan magamit kini sa tanan. …
… Una, ikaw hinigugmang anak nga babaye. Walay butang nga buhaton nimo—o dili buhaton—ang makausab niana. Ang Dios nahigugma kaninyo. …
Ang ikaduha nga kamatuoran mao nga kita adunay langitnong mga ginikanan, usa ka amahan ug usa ka inahan. …
Ang ikatulo nga kamatuoran sa pagsugod sa parapo sa tema sa Young Women mao nga kita adunay “usa ka diosnong kinaiya.” Mao kini ang mahinungdanong bahin kon si kinsa kita. Kini sa espirituhanong paagi “kaliwat,” nga napanunod gikan sa atong langitnong mga ginikanan. …
Ang ikaupat nga kamatuoran mao nga kita adunay “mahangtorong padulngan.” …
… Gawasnon kita sa pagpili, apan kita dili makapili sa mga sangpotanan sa dili pagsunod sa gipadayag nga dalan. …
Kon kita sinsero nga maghinulsol, walay espirituwal nga ulat ang magpabilin, bisan unsa pa ang atong nabuhat, kon unsa ka bug-at kadto, o kapila ka higayon nga ato kining nabuhat. Kon kanunay kitang maghinulsol ug mangayo og kapasayloan uban sa tinuod nga katuyoan, kita mapasaylo. …
… Ang kalig-on moabot pinaagi sa hugot nga pagtuo diha ni Jesukristo ug sa paghimo og sagradong mga pakigsaad.
… Kon kita motuman sa atong mga pakigsaad, kita makadawat sa gahom sa Dios sa atong mga kinabuhi.
… Ang atong Langitnong Amahan gusto nga kamo mamahimong Iyang manununod ug modawat sa tanan nga anaa Kaniya. Siya wala nay labaw pa nga ikatanyag kaninyo. Siya wala nay labaw pa nga ikasaad kaninyo. Siya nahigugma kaninyo labaw pa sa inyong nasayran ug gusto nga kamo magmalipayon niining kinabuhi ug sa kinabuhi nga moabot.