“Apan Kami Wala Maminaw Kanila,” Alang sa Kalig-on sa mga Kabatan-onan, Mayo 2022.
Sabado sa Buntag nga Sesyon
Apan Kami Wala Maminaw Kanila (1 Nephi 8:33)
Mga Kinutlo
Ang pulong paminaw nagsugyot sa pagmatikod o paghatag og pagtagad sa usa ka tawo o usa ka butang. …
Ang doktrina ni Kristo nga gisulat “pinaagi sa Espiritu sa Dios nga buhi … diha sa [atong mga kasingkasing]” [2 Mga Taga-Corinto 3:3] nagdugang sa atong kapasidad nga “dili maminaw” sa daghang mga pagsamoksamok, mga pagbiaybiay, ug mga paglipat dinhi sa atong napukan nga kalibotan. …
Ang pagtuman ug paghigugma sa mga pasalig sa pakigsaad momugna og koneksyon ngadto sa Ginoo nga personal kaayo ug gamhanan sa espirituhanong paagi. …
Ang atong koneksyon sa pakigsaad ngadto sa Dios ug ni Jesukristo mao ang agianan diin kita makadawat sa kapasidad ug kalig-on aron “dili maminaw.” Ug kini nga higot malig-on samtang kita padayong hugot nga mogunit sa gunitanan nga puthaw. …
Mosugyot ko nga ang hugot nga paggunit sa pulong sa Dios nagpasabot sa (1) paghinumdom, pagtahod, ug pagpalig-on sa atong personal nga koneksyon ngadto sa Manluluwas ug sa Iyang Amahan pinaagi sa mga pakigsaad ug mga ordinansa sa gipahiuli nga ebanghelyo, ug (2) mainampoon, matinguhaon, ug makanunayon nga paggamit sa balaang kasulatan ug sa mga pagtulon-an sa buhing mga propeta ug apostoles isip segurado nga mga tinubdan sa gipadayag nga kamatuoran. …
Padayon. Hugot nga mogunit. Ayaw paminaw.
Ako mopamatuod nga ang kaligdong ngadto sa mga pakigsaad ug sa mga ordinansa sa gipahiuli nga ebanghelyo sa Manluluwas makahatag kanato og gahom sa pagpadayon diha sa buhat sa Ginoo, aron hugot nga mogunit ngadto Kaniya isip ang Pulong sa Dios, ug aron dili paminawon ang mga pagdani sa kaaway.