« Porora’a i te ’evanelia o te hau », Nō te Pūai o te Feiā ‘Āpī, Mē 2022.
Tuha’a purera’a nō te po’ipo’i mahana mā’a
Porora’a i te ’evanelia o te hau
Fa’ahitira’a parau
Mai te ’āmuira’a i ma’iri a’e nei, tē tāmau noa nei ā te mau fifi i roto i te ao nei. Tē ha’afifi noa nei ā te ma’i pe’e nā te ao nei i tō tātou orara’a. I teienei, ’ua ’ārepurepuhia te ao nei e te tama’i […]
E a’u mau taea’e ’e mau tuahine, ’aita te ’evanelia a Iesu Mesia i tītau-rahi-hia a’e nei mai teie mahana… ’Ua here au i te Fatu ia Iesu Mesia ’e tē fa’a’ite pāpū nei au ē, tāna ’evanelia ’o te rāve’a hō’ē ïa ’e te vai maoro nō te hau.
Tei ia tātou te hōpoi’a mo’a ’ia fa’a’ite i te mana ’e i te hau o Iesu Mesia i te mau ta’ata ato’a e fa’aro’o mai, ’e e vaiiho i te Atua ’ia upo’oti’a i roto i tō rātou orara’a.
Te mau ta’ata ato’a tei rave i te mau fafaura’a i mua i te Atua, ’ua fafau mai ïa rātou ’ia aupuru ia vetahi ’ē ’e ’ia tāvini i te feiā nava’i ’ore. E nehenehe tātou e fa’a’ite i tō tātou fa’aro’o i te Atua ’e ’ia vai ineine nō te pāhono i te feiā e uiui nei nō ni’a i « te ti’aturira’a e vai ra i roto ia [tātou] » [1 Peter 3:15] […]
I teie mahana te ha’apāpū fa’ahou nei au ē, ’ua ani mai te Fatu i te feiā ’āpī tāne ti’amā ato’a ’e te itoito, ’ia fa’aineine nō te tāvini i te hō’ē misiōni.
Nō ’outou te mau tuahine ’āpī itoito, te misiōni e rāve’a pūai ato’a, e ’ere rā i te mea fa’ahepohia […]
E fāri’i ato’a mātou i te mau ta’ata pa’ari fa’aipoipo nō te tāvini, mai te mea e nehenehe tā rātou […]
Tē ha’api’i nei ’e tē fa’a’ite pāpū nei te mau misiōnare pā’āto’a nō te Fa’aora. Nō te pōuri pae vārua i roto i te ao nei i tītau-rahi-hia ai te māramarama o Iesu Mesia. E ti’a i te mau ta’ata ato’a ’ia fāna’o ’ia ’ite i te ’evanelia a Iesu Mesia tei fa’aho’i-fa’ahou-hia mai.