« Te mana o te haerera’a i mua i te pae vārua », Nō te Pūai o te Feiā ’Āpī, Mē 2022.
Tuha’a purera’a nō te po’ipo’i sābati
Te mana o te haerera’a i mua i te pae vārua
Fa’ahitira’a parau
Te haerera’a i mua e fa’aotira’a pūai ïa […]
I teie mahana, tē hina’aro nei au e hōro’a atu e pae ’ohipa pāpū tā tātou e nehenehe e rave nō te tauturu ia tātou ’ia tāpe’a noa i te haere maita’i i mua i te pae vārua.
A tahi : ’A ti’a i ni’a i te ’ē’a nō te fafaura’a ’e ’a fa’aea noa i reira […]
Te ’ē’a nō te fafaura’a ’o te ’ē’a hō’ē roa ïa e tae atu ai i te fa’ateiteira’a ’e te ora mure ’ore.
’A ’ite mai i te ’oa’oa o te tātarahapara’a i te mau mahana ato’a […]
Te tātarahapara’a ’o te tāviri ïa nō te haerera’a i mua. Nā te fa’aro’o mau e tāpe’a noa ia tātou ’ia haere nā ni’a i te ’ē’a nō te fafaura’a.
’Eiaha na e mata’u ’aore rā e fa’atāere i te tātarahapara’a […]
Te toru o tō’u mana’o : ’Ia ’ite hau atu nō ni’a i te Atua ’e e mea nāhea ’oia ’ia rave i te ’ohipa […]
E mea māramarama roa te rā’au nō te fa’a’ore i te fa’anahora’a a Sātane : E hina’aro tātou i te mau mahana ato’a i te mau ’itera’a rau nō te ha’amori i te Fatu ’e nō te tuatāpapa i tāna ’evanelia […]
Te 4 o te mana’o : ’A ’imi ’e ’a tīa’i i te mau temeio […]
E mea iti roa te mau mea e ha’ape’epe’e i tō tātou haerera’a i mua i te pae vārua hau atu i te ’itera’a ē, tē tauturu nei te Fatu ia ’outou ’ia tūra’i i te hō’ē mou’a i roto i tō ’outou orara’a.
Te 5 o te mana’o : ’A fa’a’ore i te tama’i i roto i tō ’outou iho orara’a […]
’A fa’a’ohipa i te ha’eha’a, te itoito, ’e te pūai e tītauhia nō te fa’a’ore i te hapa ’e nō te ani ’ia fa’a’orehia te hapa […]
Mai te mea e’ita e haere te fa’a’orera’a hapa i teie taime, ’a tāparu i te mana nā roto i te toto tāra’ehara o Iesu Mesia nō te tauturu ia ’outou. ’A nā reira ai ’outou, tē fafau atu nei au i te hau nō te ta’ata hō’ē ’e te haerera’a i mua i te pae vārua […]
Mai te mea e ’ohipa ’outou i ni’a i teie mau peu, tē fafau atu nei au ia ’outou i te ’aravihi ’ia haere i mua i ni’a i te ’ē’a o te fafaura’a, ma te haerera’a i mua tāmau noa, noa atu te mau fifi tā ’outou e fa’aruru. ’E tē fafau atu nei au ia ’outou i te pūai rahi a’e nō te pāto’i i te fa’ahemara’a, te hau rahi a’e o te ferurira’a ’e te mata’u ’ore, ’e te tāhō’ēra’a rahi a’e i roto i tō ’outou ’utuāfare.