« Te mau ha’api’ira’a i te pae ’āpo’o pape », Nō te Pūai o te Feiā ’Āpī, Mē 2022.
Tuha’a purera’a nā te mau vahine
Te mau ha’api’ira’a i te pae ’āpo’o pape
Fa’ahitira’a parau
Tē hīna’aro nei au e hōro’a atu e toru ha’api’ira’a tā’u i ha’api’i mai ’a tāmau ai au i te inu i te pae ’āpo’o o te « pape ora » [Ioane 4:10].
’A tahi : E’ita te mau ’ohipa i tupu i ma’iri ra ’e i teie mahana e fa’aoti i tō tātou ananahi […]
’A feruri na i te vahine i te pae ’āpo’o pape […]
’Ua riro mai te vahine ’ei ’ite pūai, i te fa’a’itera’a i te feiā o tōna ’oire ē, ’o Iesu te Mesia. « ’E e rave rahi mai ra i taua ’oire ra tō Samaria i fa’aro’o iāna i te parau a te vahine i parau atu ra » [Ioane 4:39].
’Aita te huru o tōna orara’a i ma’iri ra ’e i teie mahana i fa’ata’a i tōna ananahi. Mai iāna, e nehenehe tātou e mā’iti e fāriu atu i te Fa’aora i teie mahana ’ia roa’a te pūai ’e te fa’aorara’a ’o tē fa’ati’a ia tātou ’ia fa’aoti i te mau mea ato’a nō te reira tātou i tonohia mai ai i’ō nei.
’A piti : Tei roto ia tātou te mana [Te Ha’api’ira’a Tumu ’e te mau Fafaura’a 58:28] […]
E te mau tuahine, tei roto ia tātou te mana ’ia fa’atupu fa’arahi i te parauti’a ! […]
’A toru : « ’E nā roto i te mau mea iti e tupu mai ai tei rahi roa ra ».[Te Ha’api’ira’a Tumu ’e te mau Fafaura’a 64:33] […]
E te mau tuahine ē, e nehenehe te mau ’ā’au e taui ’e e ha’amaita’ihia te mau orara’a ’a pūpū ai tātou i te hō’ē ’ī’iti miti fenua, hō’ē taipu fa’ahōpue ’e hō’ē hihi māramarama.
Tē fa’a’ite pāpū nei au ē, ’o te Fa’aora te miti fenua i roto i tō tātou orara’a, ma tē pōro’i mai ia tātou ’ia tāmata i tōna ’oa’oa ’e i tōna here. ’O ’oia te fa’ahōpue ’ia ’eta’eta ana’e tō tātou orara’a, e hōro’a mai ia tātou te ti’aturira’a ’e e ha’amāmā i tā tātou mau hōpoi’a nā roto i tōna mana fāito ’ore ’e tōna here fa’aora. ’O’oia tō tātou māramarama, e tūrama nei i tō tātou ’ē’a ho’ira’a i te fare.