« ’O tātou Te ’Ēkālesia a Iesu Mesia i te Feiā Mo’a i te mau Mahana Hopea nei », Nō te Puai o te Feiā ’Āpī, Mē 2022.
Tuha’a purera’a nō te po’ipo’i mahana mā’a
’O tātou Te ’Ēkālesia a Iesu Mesia i te Feiā Mo’a i te mau Mahana Hope’a nei
Fa’ahitira’a parau
I muri a’e i tō’u tītau-manihini-ra’a-hia i te fa’anahora’a « haere mai ’e e hi’o », [Ioane 1:46], ’ua ’āmui mai au i Te ’Ēkālesia a Iesu Mesia i te Feiā Mo’a i te mau Mahana Hope’a nei, nō te taime mātāmua i te 26ra’a o tō’u matahiti. Nō fa’ata’a-’ē-noa-hia iho nei au i tā’u tāne mātāmua. E tamaiti toru matahiti tā’u ’E ’ua fāri’i au i roto iā’u te faufa’a ’ore ’e te ri’ari’a. I tō’u tomora’a mai i roto i te fare, ’ua ’ī au i te mahanahana ’a ’ite ai au i te fa’aro’o ’e te ’oa’oa o te fēia e hā’ati ra iā’u.
Tō’u mau hoa pipi nā te Mesia, ’eiaha na tātou e ha’afaufa’a ’ore i te ’ohipa ’ūmerehia tā te Fatu e fa’atupu nei nā roto ia tātou, tāna ’Ēkālesia, noa atu tō tātou mau hapehape. I te tahi taime e feiā hōro’a tātou ’e i te tahi atu taime e feiā fāri’i tātou, ’ua riro rā tātou pā’ātoa ’ei ’utuāfare hō’ē i roto i te Mesia […]
’Ua hau atu te ’Ēkālesia i te mau fare purera’a ’e i te fa’aterera’a nō te ha’apa’ora’a fa’aro’o ; te ’Ēkālesia, ’o tātou, ïa, te mau melo. ’O tātou Te ’Ēkālesia a Iesu Mesia i te Feiā Mo’a i te mau Mahana Hope’a nei, ’o te Mesia te upo’o ’e te peropheta ’ei ’auvaha nōna […]
Tā tātou fā i roto i tōna bāsileia e ti’a ’ia riro te ’āfa’ira’a mai i te tahi ’e te tahi i te Mesia ra […]
Mai te hō’ē tamaiti iti tei ’aufau i te tuha’a ’ahuru ma te fa’aro’o, te hō’ē metua vahine ’ōtahi e hina’aro nei i te aroha hōro’a o te Fatu, te hō’ē metua tāne e tauto’o nei nō te aupuru i tōna ’utuāfare, i tō tātou mau tupuna e hina’aro nei i te mau ’ōro’a nō te fa’aorara’a ’e te fa’ateiteira’a, ia tātou tāta’itahi ’o tē fa’a’āpī nei i te mau fafaura’a ’e te Atua i te mau hepetoma ato’a, tē hinaaro nei tātou i te tahi ’e te tahi, ’e e nehenehe tātou e ’āfa’i i te tahi ’e te tahi i te fa’aorara’a ora a te Fa’aora.