« Rave i te mea faufa’a roa a’e », Nō te Pūai o te Feiā ’Āpī, Mē 2022.
Tuha’a purera’a nā te mau vahine
Rave i te mea faufa’a roa a’e
Fa’ahitira’a parau
Te rirora’a ’ei pipi nā Iesu Mesia, ’ua hau atu ïa i te tīa’ira’a ’e te ti’aturira’a. Tītauhia te tauto’ora’a, te hāhaerera’a ’e te pūpūra’a iāna. Tītauhia ’ia rave tātou i te hō’ē mea […]
I roto i tā tātou mau tauto’ora’a e rave i te hō’ē mea ’aore rā e rave i te mau mea ato’a, e ui paha tātou ia tātou iho, « E aha te mea faufa’a roa a’e ? » […]
-
E hia rahira’a « j’aime [mea au na’u] » i ni’a i tā tātou mau piara’a rāve’a tūreiara’a sōtiare ? ’Aore rā e aha te rahi o te here o te Metua i te ao ra ’e tōna ha’afaufa’ara’a ia tātou ?
-
Te ’ō’omora’a i te hōho’a ’ahu hope’a roa ? ’Aore rā te fa’a’itera’a i te fa’atura nō tō tātou tino ma te ’ahu au maita’i ?
-
Te ’imira’a i te pāhonora’a nā ni’a i te natirara ? ’Aore rā te fāri’ira’a i te pāhonora’a a te Atua nā roto i te Vārua Maita’i ?
-
E tītau rahi atu ā ? ’Aore rā e māuruuru i te mea tei hōro’ahia mai ?
Te ’evanelia a Iesu Mesia, e ’evanelia ïa nō te ’ohipa ’e e ’evanelia nō te ’oa’oa ! ’Eiaha na tātou e ha’afaufa’a ’ore i tō tātou ’aravihi e rave i te mau mea faufa’a roa a’e. Nā tō tātou tufa’a ’āi’a hanahana e hōro’a nei ia tātou i te itoito ’e te ti’aturi nō te rave ’e nō te riro i te mea ato’a tā tō tātou Metua here i te ao ra i ’ite e nehenehe tātou e riro mai […]
E ’ere te reira i te ravera’a hau atu ā. ’O te ravera’a rā i te mea faufa’a a’e. ’O te fa’a’ohipara’a i te ha’api’ira’a tumu a te Mesia i roto i tō tātou orara’a ’a tūtava noa ai ’ia riro mai iāna ra te huru […]
’A fa’atumu ai tātou i tō tātou orara’a i ni’a ia Iesu Mesia, e arata’ihia tātou nō te rave i te mea faufa’a roa a’e. ’E e ha’amaita’ihia tātou i te pūai pae vārua, ’e te māuruuru rahi ’e te ’oa’oa !