« Tō ’outou nātura hanahana ’e te hope’a mure ’ore », Nō te Pūai o te Feiā ’Āpī, Mē 2022.
Tuha’a purera’a nā te mau vahine
Tō ’outou nātura hanahana ’e te hope’a mure ’ore
Fa’ahitira’a parau
E ha’api’ira’a tumu hōhonu mau i roto i te parau tai’o a te Feiā ’Āpī Tamahine, e mea faufa’a nō te feiā ’āpī tamāhine, e tano ato’a rā i te tā’āto’ara’a […]
’A tahi, e tamāhine herehia ’outou. ’Aita e mea tā ’outou e rave—’e tā ’outou e ’ore e rave—e nehenehe e taui i te reira. ’Ua here te Atua ia ’outou […]
Te piti o te parau mau, ’oia ho’i, e nau metua i te ra’i tō tātou, te metua tāne ’e te metua vahine […]
Te toru o te parau mau i roto i teie paratarafa ha’amatara’a nō te parau tai’o a te Feiā ’Āpī Tamāhine, ’oia ho’i, e « nātura hanahana » tō tātou. Tei roto te reira ia tātou. E au te reira i te « tenoma » pae vārua nō ’ō mai i tō tātou nā metua i te ra’i [[…]
Te maha o te parau mau, ’oia ho’i, e « hope’a mure ’ore » tō tātou […]
E ti’amāra’a tō tātou ’ia mā’iti, e’ita rā tā tātou e nehenehe e mā’iti i te mau fa’ahope’ara’a nō te ’orera’a e pe’e i te ’ē’a i heheuhia mai […]
’Ia tātarahapa mau tātou, ’aita fa’ahou e rifa pae vārua, noa atu ā te mea tā tātou i rave, noa atu ā te teimaha ’aore rā te rahira’a taime i ravehia te reira. Pinepine noa atu tātou i te tātarahapa ’e i te ’imi i te fa’a’orera’a hara, e nehenehe e fa’a’orehia mai […]
E tae mai te pūai nā roto i te fa’aro’o ia Iesu Mesia ‘e nā roto i te ravera’a i te mau fafaura’a mo’a […]
’Ia ha’apa’o tātou i tā tātou mau fafaura’a, e fāri’i ïa tātou i te mana o te Atua i roto i tō tātou orara’a […]
’Ua hina’aro tō tātou Metua i te ao ra ’ia riro mai ’outou ’ei ta’ata ’āi’a nōna ’e ’ia fāri’i i te mau mea ato’a nāna ra. ’Aita atu ā tāna e nehenehe e hōro’a ia ’outou. ’Aita atu ā tāna e nehenehe e parau fafau ia ’outou. ’Ua rahi a’e tōna here ia ’outou i tā ’outou i ’ite, ’e tē hina’aro nei ’oia ’ia ’oa’oa ’outou i roto i teie orara’a ’e te orara’a i muri mai.