« Here, fa’a’ite, ani manihini », Nō te Pūai o te Feiā ’Āpī, Mē 2022.
Tuha’a purera’a nō te po’ipo’i sābati
Here, fa’a’ite, ani manihini
Fa’ahitira’a parau
Te mau melo mātāmua o te ’Ēkālesia, mai te mau melo ’āpī tae roa atu i te mau melo tahito, ’ua ’āmui rātou i roto i te fa’auera’a rahi a te Fa’aora, te fa’a’itera’a i te parau ’āpī maita’i o te ’evanelia i te feiā tā rātou e fārerei ’e i mātau […]
Tātou ato’a, ’ei mau pipi nā te Mesia, ’ua anihia ia tātou ’ia ha’apa’o i tāna fa’auera’a i teie mahana […]
’Aua’e pa’i, e nehenehe e fa’aoti i te fa’auera’a rahi a te Fa’aora nā roto i te mau parau tumu ’ōhie ’e te māramarama ’ia ’apo mai, tei ha’api’ihia ia tātou tāta’itahi mai te ’aru’arura’a mai ā : here, fa’a’ite, ’e ani manihini […]
Te ’ohipa mātāmua tā tātou e rave ’o te here ïa mai tā te Mesia i here […]
I te mau taime ato’a e fa’a’ite tātou i te here huru Mesia i tō tātou ta’ata tupu, tē poro ra ïa tātou i te ’evanelia—noa atu ē, ’aita tātou e fa’ahiti hō’ē noa a’e parau […]
Tō tātou ti’aturira’a, ’oia ho’i ’ia fāri’i rātou i tō tātou here ’e tā tātou poro’i, noa atu ē tei ia rātou te fa’aotira’a nāhea ’ia fāri’i i te reira […]
Te piti o te ’ohipa tā tātou e nehenehe e rave ’o te fa’a’itera’a ïa […]
Tē fa’a’ite nei tātou pā’āto’a i te tahi mau mea ia vetahi ’ē […]
Nāhea e ti’a ai ia tātou ’ia tu’u ’ōhie atu i ni’a i te tāpura o te mau mea tā tātou i fa’a’ite a’ena, i te mau mea tā tātou e au nō ni’a i te ’evanelia a Iesu Mesia ? […]
Te toru o te ’ohipa tā ’outou e nehenehe e rave ’o te ani-manihini-ra’a ïa […]
E rave rahi hānere ani-manihini-ra’a e nehenehe tātou e fa’atae ia vetahi ’ē. E nehenehe tātou e ani manihini ia vetahi ’ē ’ia « haere mai ’e e hi’o » […]
Tē ani manihini atu nei au ia ’outou ’ia feruri i te mau rāve’a e nehenehe ai ia ’outou ’ia here, ’ia fa’a’ite ’e ’ia ani manihini. Mai te mea e nā reira ’outou, e fāri’i ’outou i te hō’ē fāito ’oa’oa i te ’itera’a ē, tē ha’apa’o nei ’outou i te mau parau a tō tātou Fa’aora here.