« Pe’e ia Iesu : ’Ei ta’ata fa’atupu hau », Nō te Pūai o te Feiā Āpī, Mē 2022.
Tuha’a purera’a nō te po’ipo’i mahana mā’a
Pe’e ia Iesu : ’Ei ta’ata fa’atupu hau
Fa’ahitira’a parau
’Ua ha’api’i te Fa’aora e nāhea i te ora, i terā tau ’e i teienei, i roto i te hō’ē ao tāhitohito. « E ao tō tei fa’atupu i te parau hau ra », tāna i parau, « e parauhia rātou, ’o te tamari’i nā te Atua » [Mataio 5:9] […]
E nāhea te ta’ata fa’atupu hau i te fa’ahau ’e i te tāmarū i te mau ihe auahi ? Pāpū roa e ’ere nā roto i te ’ōrioriora’a i mua i te feiā e fa’atiho ia tātou. ’Aita, nā roto rā i te vai-pāpū-noa-ra’a i ni’a i tō tātou fa’aro’o, ma te fa’a’ite i tō tātou mau ti’aturira’a ma te mana’o pāpū, ma te riri ’ore noa ’e te tāiroiro ’ore […]
E aha te mea e hōro’a nei i te pūai ’o roto nō te tāmarū, nō te fa’ahau ’e nō te tīnai i te mau ihe auahi tei fa’atorohia i ni’a i te mau parau mau tā tātou i here ? Nō roto mai te pūai i tō tātou fa’aro’o ia Iesu Mesia ’e tō tātou fa’aro’o i tāna mau parau […]
Noa atu ā ’o tō tātou hina’aro ha’eha’a ’ia fa’aturahia te mau ha’api’ira’a a te Fa’aora e te tā’āto’ara’a, pinepine te mau parau a te Fatu nā roto i tāna mau peropheta i te pāto’i i te ferurira’a ’e te peu o te ao. Mai te reira noa iho ā […]
E here mau tātou ’e e aupuru mau tātou i te ta’ata tupu ato’a, ’ua tu’ati tō tātou mau ti’aturira’a ’aore rā ’aita […]
I te tahi taime e ta’ata fa’atupu hau ra, e fa’a’oroma’i ïa i te hina’aro ’ia pāhono atu, ’e e fa’aea mū noa ïa ma te tura […]
Te vāhi ’oto, e’ita te tā’āto’ara’a e vai ’āueue ’ore noa i roto i tō rātou here i te Fa’aora ’e tā rātou fa’aotira’a e ha’apa’o i tāna mau fa’auera’a […]
E nehenehe ato’a tā tātou e haere ’ē atu i te mārōra’a nō te ha’amaita’i i te orara’a o te ta’ata, ’eiaha rā e ha’apa’i ia tātou i tō tātou vāhi mo’emo’e.
’Ia here tātou iāna ’e ’ia here tātou te tahi i te tahi. ’Ia riro tātou ’ei ta’ata fa’atupu hau, ’ia parauhia tātou « te mau tamari’i nā te Atua ».