« I roto te fa’ahiahia o te Mesia ’e tāna ’evanelia », Nō te Pūai o te Feiā ‘Āpī Mē 2022.
Tuhaʼa pureraʼa nō te avatea sābati
I roto te fa’ahiahia o te Mesia ’e tāna ’evanelia
Fa’ahitira’a parau
’Ua feruri au i te māerera’a pae vārua, e parauhia, ’o tā tātou e nehenehe ’e e ti’a ’ia fāri’i nō te ’evanelia a Iesu Mesia ’e te ta’a-’ē-ra’a tā te reira e fa’atupu i roto i tō tātou orara’a ’ei pipi ’e i roto i tō tātou tere e tae atu ai i te ora mure ’ore […]
Te tumu rahi i roto i tā tātou tauto’ora’a nō teie tere, ’oia ho’i ’o nā fa’auera’a rahi e piti ïa : Te here i te Fatu tō tātou Atua ’e te here i tō tātou ta’ata tupu mai ia tātou iho […]
Nō reira, ‘ia hina’aro ana’e tātou ma te hina’aro mau e ia pūpū mau ia tātou nō te hi’o iāna e nō te ha’api’i mai roto mai i tōna hi’ora’a maita’i roa, e roa’a ia tātou te ’ite maita’i a’e iāna. E tupu tātou i te rahi i roto i te ’ana’anatae ’e i te hina’aro ’ia tu’u i roto i tō tātou orara’a te fāito hope’a e nāhea e ti’a ia tātou e ora, te hi’ora’a e ti’a ia tātou e fa’a’ite, ’e te mau fa’auera’a e ti’a ia tātou e ha’apa’o […]
Tō’u mau hoa here, tē ha’apūai nei teie mau mea ato’a i tō tātou fa’ahiahia pae vārua o te ’evanelia ’e e tura’i ia tātou ’ia ha’apa’o ma te ’oa’oa i te mau fafaura’a ’o tā tātou i rave ’e te Fatu—noa atu i roto i te mau tāmatara’a ’e te mau fifi tā tātou e fa’aruru nei […]
Tē pure nei au ’ia vai fa’ahiahia noa tātou e Iesu Mesia ’e e tōna here hope, te mure ’ore ’e te maita’i roa. ’Ia ti’a i te ha’amana’ora’a i te mau mea tā tō tātou mau mata i hi’o ’e tā tō tātou ’ā’au i fāri’i, e ha’amara’a i tō tātou fa’ahiahia i mua i te tusia tāra’ehara a te Fa’aora, ’o tē nehenehe e fa’aora ia tātou i tō tātou mau pēpē pae vārua ’e pae ’āehuehu, ’e e tauturu ia tātou ’ia ha’afātata atu iāna.