« E fa’aora te Mesia i tei fati », Nō te Pūai o te Feiā ’Āpī, Mē 2022.
Tuha’a purera’a nō te po’ipo’i sābati
E fa’aora te Mesia i tei fati
Fa’ahitira’a parau
Hōho’a nā Mark Mabry
E rave rahi ha’api’ira’a a te Fa’aora ’o Iesu Mesia i roto i te mau pāpa’ira’a mo’a tē tauturu ia tātou ’ia pairati manuia nā roto i te mau mea pararī o tō tātou orara’a, noa atu tō tātou fāito matahiti […]
’A ha’api’i ai te Fa’aora i roto i te hiero, arata’ihia mai nei te hō’ē vahine iāna ra e te mau papa’i parau ’e te mau pharisea. ’Aita tātou i ’ite i te tā’āto’ara’a o tōna ’ā’amu, maori i te « ro’ohia atu ra […] tē rave-mau-hia ra » [Ioane 8:4] […]
Te pāhonora’a a te Mesia i teie tamāhine tao’a rahi nā te Atua, « e’ita ato’a vau e fa’autu’a atu ia ’oe : ’a haere, ’eiaha rā ’ia hara fa’ahou » [Ioane 8:11]. Te tahi atu huru nō te parau, « ’a haere, ’eiaha rā ’ia hara fa’ahou » ’o teie ïa « ’a haere ’e ’a tāui ». Tē poro’i ra te Fa’aora iāna ’ia tātarahapa […]
’Ua ha’api’i mai te Fatu ia tātou ē, te fa’aorera’a i te hapa a vetahi ’ē, e fa’auera’a ïa i tō te ao ato’a nei : « E fa’a’ore au, ’o te Fatu, i te hara a rātou tā’u i hina’aro i te fa’a’ore atu, ia ’outou rā ’ua tītauhia atu rā ’outou ’ia fa’aore i te hapa a te ta’ata ato’a » [Te Ha’api’ira’a Tumu ’e te mau Fafaura’a 64:10] […]
E mea huru pinepine, e ’ite tātou ia tātou iho, mai te piri’o’i ra i te ’ūputa o te hiero, ma te fa’a’oroma’i—’e ’aore rā, ma te fa’a’oroma’i ’ore i te—« tīa’i[ra’a] i te Fatu » [Isaia 40:31] […]
Te fa’a’ohipara’a i te fa’aro’o i te Mesia ’o te ti’aturira’a ïa ’eiaha noa i te hina’aro o te Atua, i tāna ato’a rā tārena. Nō te mea ’ua ’ite papū ’oia i tō tātou mau hina’aro ’e i te taime mau e tītauhia te reira […]
’Aore roa e mea i roto i tō ’outou orara’a e nehenehe e mono i te mana rapa’au, te mana fa’aora ’e te mana fa’ati’a o Iesu Mesia.