« Te tā’āto’ara’a o te ’ā’au », Nō te Pūai o te Feiā ’Āpī Mē 2022.
Tuhaʼa pureraʼa nō te avatea sābati
Te tā’āto’ara’a o te ’ā’au
Fa’ahitira’a parau
E ’ere te ti’ara’a pipi nā Iesu Mesia i te hō’ē o te mau mea e rave rahi tâ tâtou e rave. ’O te Fa’aora te mana tūra’i nō te tā’āto’ara’a o te mau mea tā tātou e rave […]
E aha ïa te parau nō te mau ’ohipa e rave rahi ’e te mau hōpoi’a e rave rahi i roto i tō tātou orara’a ? […]
« ’Ua ’ite ho’i tō ’outou Metua i te ao ra ē, ’ua ti’a roa ’ia noa’a taua mau mea ra ia ’outou e ti’a ai.
« E mata na rā ’outou i te ’imi i te bāsileia o te Atua ’e te parau-ti’a nāna ; e ’āmui-ato’a-hia mai taua mau mea ra ia ’outou » [3 Nephi 13:32–33 ; hi’o ato’a Mataio 6:32–33].
E ’ere iho ā ïa i te mea ’ōhie. E tītauhia te fa’atūtiara’a ’e te ha’amo’ara’a.
E tītauhia ’ia vaiiho i te hiti i te tahi mau mea ’e ’ia vaiiho ’ia hiti maite tahi atu mau mea.
Te fa’atūtiara’a ’o te fa’aru’era’a ïa i te hō’ē mea nō te tahi atu mea faufa’a a’e […]
E mea ta’a ’ē teha’amo’ara’a i te fa’atūtiara’a, teie hō’ē a’e tumu faufa’a rahi. ’Ia ha’amo’a ana’e tātou i te hō’ē mea, ’aita tātou e vaiiho nei i te reira ’ia pau i te auahi i ni’a i te fata. ’Aita, tē fa’a’ohipa nei tātou i te reira nō te tāvini i te Fatu. E pūpū tātou i te reira iāna ’e i tāna mau ’ōpuara’a mo’a […]
’Ia hi’o tātou i tō tātou orara’a ’e te hānere mea e rave, e tupu iho ā te mana’o tuauru. ’Ia hi’o tātou hō’ē mea—here ’e tāvini i te Atua ’e tāna mau tamari’i, ma te hānere huru rāve’a—e ’ohipa ïa tātou i ni’a i te reira mau mea ma te ’oa’oa.
Nā reira tātou e pūpū ai i tō tātou vairua ato’a—nā roto i te fa’atusiara’a i te mau mea ato’a e tāpe’a nei ia tātou ’e te ha’amo’ara’a i te toe’a i te Fatu ’e i tāna mau ’ōpuara’a.