« ’Aore rā mātou i ha’apa’o noa atu ia rātou », Nō te Pūai o te Feiā ‘Āpī, Mē 2022.
Tuha’a purera’a nō te po’ipo’i mahana mā’a
’Aore rā mātou i ha’apa’o noa atu ia rātou (1 Nephi 8:33)
Fa’ahitira’a parau
’Ia ha’apa’o tātou tē aura’a ra, ’ua haru mai tō tātou mata ’e tē hi’o atu ra i te hō’ē ta’ata ’aore rā te hō’ē mea.
Nā te ha’api’ira’a tumu a te Mesia i pāpa’ihia « nā te Vārua […] o te Atua ora ra [i ni’a] i te papa ta’ata ra i [tō tātou] ’ā’au » [2 Korinetia 3:3] e fa’arahi i tō tātou ’aravihi ’ia ’ore e « ha’apa’o noa atu » i te mau fa’anevanevara’a e rave rahi, te ’ō’onira’a ’e te fa’aruri-’ē-ra’a mana’o o teie ao hi’a.
Maoti te orara’a ’e te herera’a i te pūpūra’a iāna nā roto i te fafaura’a e tupu ai te tū’atira’a i te Fatu, e tū’atira’a hōhonu i roto ia tātou iho ’e te pūai ho’i i te pae vārua […]
’O tō tātou tū’atira’a i te Atua ’e ia Iesu Mesia, nā roto i te fafaura’a, te rēni e fāri’i ai tātou i te ’aravihi ’e te pūai ’ia ’ore e « ha’apa’o noa atu. » ’E e ha’apūaihia teie natira’a ’ia tāmau noa tātou i te mau māite i te ’āuri tāpe’ara’a ra […]
E parau ïa vau ē, te mau-pāpū-ra’a i te parau a te Atua, ’oia ïa (1) e ha’amana’o, e fa’atura ’e e ha’apūai i tō tātou iho tū’atira’a i te Fa’aora ’e i tōna Metua nā roto i te mau fafaura’a ’e te mau ’ōro’a o te ’evanelia i fa’aho’ihia mai ’e (2) e fa’a’ohipa nā roto i te pure, ma te pāpū ’e te tāmau noa i te mau pāpa’ira’a mo’a ’e te ha’api’ira’a a te mau peropheta ora ’e te mau ’āpōsetolo ora ’ei puna nō te parau mau i heheuhia mai […]
Haere ti’a i mua. Mau māite. ’Eiaha e ha’apa’o noa atu.
Tē fa’a’ite nei au ē, maoti te ha’apa’o-maita’i-ra’a i te mau fafaura’a ’e te mau ’ōro’a o te ’evanelia a te Fa’aora i fa’aho’ihia mai e ti’a ai ia tātou ’ia haere ti’a i mua i roto i te ’ohipa a te Fatu, ’ia mau māite iāna ra ’ei Parau nā te Atua, ’e ’ia ’ore e ha’apa’o noa atu i te mau tauhōanira’a a te ’enemi.