“Paoa blong Faea blong Spirit,” Blong Ol Yut Oli Kam Strong Mei 2022.
Sandei Moning Sesen
Paoa blong Faea blong Spirit
Samfala Pat
Faea long wan taem, i wan tingting we i gat paoa. …
Tedei, mi wantem tokbaot faef spesifik wei we bae yumi save folem blong holemtaet gud paoa blong faea blong spirit.
Faswan: Kam long kavenan rod mo stap ia.…
… Kavenan rod ia, hem i wan rod ia nomo we i lidim yumi long fasin blong kam olsem wan god mo laef we i no save finis.
Faenemaot glad ia blong sakem sin evri dei.…
… Blong sakem sin, hem i ki blong progres. Fet we i klin gud i mekem se yumi gohed blong muv fored long kavenan rod ia.
Plis, no fraet o slo blong sakem sin. …
Nambatri tingting blong mi: Lanem abaot God mo hao Hem i wok.…
From hemia, plan blong Setan blong agensem samting i klia: Yumi nidim blong gat eksperiens evri dei blong stap wosipim Lod mo stap stadi long gospel blong Hem. …
Tingting nambafo: Lukaotem mo wet long ol merikel.…
… I gat samfala samting we bae i spidim paoa blong faea blong spirit moa kwik bitim we bae yu luksave se Lod i stap helpem yu blong muvum wan maonten insaed long laef blong yu.
Tingting nambafaef: Endem raorao insaed long laef blong yuwan.…
… Praktis blong gat tingting i stap daon, paoa long tingting mo paoa we i nid blong save fogiv mo askem fogivnes. …
… Sapos fogivnes naoia i no posibol, askem strong paoa tru long blad blong Jisas Kraes we i pemaot man, blong i helpem yu. Taem yu mekem olsem, mi promesem se bae yu gat pis long yuwan mo wan moa strong paoa blong faea blong spirit. …
Taem yu tekem aksen folem ol samting we yu stap wok from, mi promesem yu se bae yu gat paoa blong muv fored long kavenan rod ia, wetem moa paoa blong faea blong spirit, nomata wanem samting yu fesem. Mo mi promesem se bae yu gat moa paoa blong stanap agensem temtesen, moa pis long maen, yu fri long fraet, mo gat moa yuniti insaed long famli blong yufala.