“Tabu Fasin mo Fiuja blong Yu we I No Save Finis,” Blong Ol Yut Oli Kam Strong, Mei 2022.
Sesen blong Ol Woman
Tabu Fasin mo Fiuja blong Yu we I No Save Finis
Samfala Pat
Dip doktrin we oli stap tijim insaed long stamba toktok blong Ol Yang Woman i impoten long ol yang woman, be i blong yumi evriwan. …
… Faswan, yu yu wan gel we Tufala i lavem yu tumas. I no gat wan samting we yu mekem, o no mekem, we bae i jenisim hemia. God i lavem yu. …
Seken trutok i we, yumi gat papa mo mama long heven, wan papa mo wan mama. …
Nambatri trutok long fas paragraf blong stamba toktok blong Ol Yang Woman, i we, yumi gat wan “tabu fasin.” Hemia stret huia yumi. I “stap long blad,” we yumi tekem long papa mo mama long heven. …
Nambafo trutok i we, yumi gat wan “fiuja we i no save finis.” …
… Yumi fri blong jusum, be yumi no save jusum risal taem yumi no folem rod we Hem i putum. …
Taem yumi sakem sin wetem tru hat, i no gat mak long spirit i stap, i nomata wanem yumi bin mekem, se i series hamas, mo hamas taem yumi bin ripitim hemia. Be evri taem we yumi sakem sin mo lukaotem blong kasem fogivnes, wetem tru tingting, Hem i fogivim yumi. …
… Paoa i kam tru long bilif long Jisas Kraes mo taem yumi mekem ol tabu kavenan.
… Taem yumi stap kipim ol kavenan blong yumi, yumi kasem paoa blong God long laef blong yumi.
… Papa blong yumi long Heven i wantem yu blong kasem evri ting we Hem i gat. Hem i no save givim yu moa. Hem i no save promesem yu moa. Hem i lavem yu moa bitim we yu save, mo Hem i wantem yu blong yu hapi long laef ia, mo long laef we i stap kam.