“Mekem Wanem we I Impoten Moa,” Blong Ol Yut Oli Kam Strong, Mei 2022.
Sesen blong Ol Woman
Mekem Wanem we I Impoten Moa
Samfala Pat
Blong stap olsem wan disaepol blong Jisas Kraes hem i moa bitim blong stap hop mo stap biliv. Hem i nidim efot, fasin blong muv, mo komitmen. Hem i askem blong yumi mekem wan samting. …
Long ol efot blong yumi blong mekem samting o mekem eni samting, yumi save askem long yumiwan se: “?Wanem nao i impoten moa?” …
-
?Hamas man i laekem ol pos blong yu long sosol media? ?O hamas nao Papa long Heven i lavem mo luksave yumi?
-
?Stap werem niufala stael klos? ?O soem respek long ol bodi blong yumi taem yumi kavremap gud bodi blong yumi?
-
?Faenem ol ansa tru long intanet? ?O kasem ol ansa tru long Tabu Spirit?
-
?Stap wantem moa? ?O stap glad wetem wanem we yumi bin kasem? …
… !Gospel blong Jisas Kraes hem i wan gospel blong aksen mo gospel blong glad! Letem yumi no lukluk daon long paoa blong yumiwan blong mekem ol samting we oli impoten moa. Tabu raet ia we yumi kasem i givim yumi strong paoa long tingting mo tras blong mekem, mo kam olsem we Papa long Heven we yumi lavem i save se yumi save mekem. …
… I no blong mekem moa. Hem i blong mekem wanem we i impoten moa. Hem i blong stap laef folem doktrin blong Kraes long ol laef blong yumi taem yumi stap traehad blong kam moa olsem Hem. …
Taem Jisas Kraes i kam stamba blong laef blong yumi, bae yumi kasem help blong mekem wanem we i impoten moa. Mo bae yumi kasem blesing blong gat paoa long saed blong spirit, fasin blong stap hapi, mo wetem !bigfala glad!