“Blong Stap Folem Jisas: Stap Olsem Man blong Putum Pis,” Blong Ol Yut Oli Kam Strong Mei 2022.
Satedei Moning Sesen
Blong Stap Folem Jisas: Stap Olsem Man blong Putum Pis
Samfala Pat
Lod i bin tijim olsem wanem blong laef long tetaem ia, mo naoia, long wan wol we i no gat respek. Hem i talem: “Mo olgeta evriwan we oli mekem pis, bae oli kasem blesing, from bae oli singaotem olgeta ol pikinini blong God” [Matiu 5:9]. …
?Olsem wanem nao wan we i putum pis i mekem ol faea spia i kwaet mo i kam kolkol? Hem i no stap ronwe long fored blong olgeta we oli stap spolem yumi. Be, yumi gohed blong gat tras long bilif blong yumi, yumi serem ol bilif wetem strong tingting, be oltaem, yumi no mas stap mekem long fasin blong stap kros o gat nogud tingting. …
?Wanem nao i givim paoa insaed long yumi blong mekem ol faea spia ia we oli poen i go long trutok we yumi lavem, oli kolkol, kwaet mo kilimaot olgeta? Paoa ia, i kam aot long bilif we yumi gat long Jisas Kraes, mo bilif we yumi gat long ol toktok blong Hem. …
Nomata we hambol tingting blong mifala i blong evriwan i ona long ol tijing blong Sevya, ol toktok blong Lod, tru long ol profet blong Hem, plante taem, oli no go wetem ol tingting mo rod blong wol ia. I bin olsem ia oltaem longtaem i kam. …
Yumi lavem wetem tru hat mo kea long evriwan long ol neba blong yumi, i nomata se oli biliv o no biliv semmak olsem yumi. …
I gat ol taem we i blong putum pis, i minim blong yumi holemtaet yumi blong ansabak, be, wetem hae fasin, yumi stap kwaet nomo. …
Sore tumas, i no evriwan we bae i gohed blong stap strong long lav blong olgeta long Sevya mo strong tingting blong olgeta blong obei ol komanmen blong Hem. …
Yumi tu, yumi save muvaot long ol raorao mo blesem laef blong ol narawan,taem yumi no go haed long kona blong yumi. …
Bae yumi lavem Hem mo lavlavem yumi wanwan. Bae yumi man blong putum pis blong oli singaotem yumi “ol pikinini blong God.”