“Misinari Seves I Blesem Laef blong Mi blong Oltaem,” Blong Ol Yut Oli Kam Strong Mei 2022.
Satedei Moning Sesen
Misinari Seves I Blesem Laef blong Mi blong Oltaem
Samfala Pat
Taem mi luk i gobak long laef blong mi, mi kam blong luksave ol eksperiens we oli mekem sam jenis we i moa impoten. Wan long ol eksperiens ia, i olsem wanem misinari seves blong mi, olsem wan yang man long Inglan, i blesem laef blong mi mo i stretem fiuja blong mi long saed blong spirit. …
Misinari seves blong mi i mekem mi rere blong kam wan gudfala hasban mo papa mo blong gat sakses long bisnis. I mekem mi rere tu blong givim ful laef blong mi long seves blong Lod mo Jos blong Hem. …
Lod i save yu. Taem yu stap mekem misin blong yu, bae yu kasem ol eksperiens we bae i helpem yu blong kam blong save Hem gud moa. …
Olsem wan Aposol blong Lod Jisas Kraes, mi stap nao singaotem yufala ol yang man, mo ol yang woman ia we oli wantem blong givim seves long wan misin, blong stat naoia blong toktok wetem ol papa mo mama abaot blong go long wan misin. Mi stap invaetem yufala blong tokbaot tu wetem ol fren blong yufala abaot givim seves long wan misin, mo sapos wan long ol fren blong yufala i no sua abaot givim wan seves, leftemap tingting blong olgeta blong toktok wetem bisop blong olgeta.
Mekem komitmen long yuwan mo long Papa blong yu long Heven se bae yu givim seves long wan misin mo we long taem naoia bae yu traehad blong kipim hat, han, mo maen blong yu i stap klin inaf. Mi stap invaetem yufala blong kasem wan strong testemoni abaot gospel we i kambak we i blong Jisas Kraes. …
Mi prea se yufala ol yang man mo yang woman, mo papa mo mama blong yufala bae yufala i luk mo save olsem wanem misinari seves bae i blesem laef blong yufala blong oltaem.