“Naoia Hem I Taem,” Blong Ol Yut Oli Kam Strong, Mei 2022.
Sandei Aftenun Sesen
Naoia Hem I Taem
Samfala Pat
Fiuja, yumi no save stret wanem bae i kam. Weta i jenis. Saekol blong ekonomi, yumi no save talem. Ol disasta, ol aksiden, mo ol sik, oli save jenisim laef kwiktaem. Ol aksen ia, oli bitim wanem yumi save kontrolem. Be i gat sam samting we yumi save kontrolem, mo i tekem wei we yumi spendem taem blong yumi evri dei. …
Yes, yumi sapos blong lanem samting aot long wanem i pas, mo yes, yumi sapos blong rere from fiuja. Be naoia nomo, yumi save mekem. Naoia i taem we yumi save lanem samting. Naoia i taem we yumi save sakem sin. Naoia i taem we yumi save blesem ol narawan mo leftemap han we i hang i stap daon.” [Hibrus 12:12]. …
… Mi talem bakegen strong singaot blong mi long moning, blong yufala i mekem olgeta samting we bae i mekem yufala i filim Spirit moa, blong go antap ia, we Elda Dieter F. Uchtdorf i bin stap tokbaot, we bae i kipim yufala blong gohed blong muvum yufala i go fored tru long wanem jalenj mo janis we i kam.
Gud spirit taem i kam antap taem yumi wosip insaed long tempol, mo yumi kam antap long andastaning blong hamas ol blesing we yumi kasem insaed, oli bigwan tumas. Mi plis long yufala, blong stanap agensem ol wei we i folem fasin blong wol taem yufala i lukluk nomo long ol blesing we oli no save finis, blong tempol. …
Mi lavem yufala ol dia brata mo sista. Moa impoten, Lod i lavem yufala. Hem i Sevya mo Ridima blong yu. Hem i stap lidim mo gaedem Jos blong Hem. Bae yumi stap wan pipol we i inaf long Lod, we i bin talem: “Mi bambae mi God blong yufala, mo yufala bambae i kam man blong mi bakegen.” [Jeremaea 30:22].