Yumi, Yumi Jos Ia blong Jisas Kraes blong Ol Lata-dei Sent,” Blong Ol Yut Oli Kam Strong, Mei 2022.
Satedei Moning Sesen
Yumi, Yumi Jos Ia blong Jisas Kraes blong Ol Lata-dei Sent
Samfala Pat
Afta we mi kasem wan invitesen blong “kam mo luk,” [Jon 1:46], mi bin kam long Jos Ia blong Jisas Kraes blong Ol Lata-dei Sent blong fas taem, taem mi gat 26 yia. Mi jes seperet long fas hasban blong mi. Mi gat wan boe we i gat 3 yia. Mo mi filim se mi no gat paoa mo mi fraet. Taem mi go insaed long bilding, mi fulap long gud filing taem mi kasem bilif mo glad blong ol pipol raon long mi. …
Ol fren disaepol blong mi long Kraes; bae yumi no ting nating long bigfala wok we Lod i stap mekem tru long yumiJos blong Hem, nomata yumi no stret gud. Samtaem, yumi givim, mo samtaem yumi kasem, be yumi evriwan i wan famli long Kraes. …
Jos i moa bitim ol bilding, mo ol eklesiastik laen; Jos, hem i yumi, ol memba. Yumi, Yumi Jos Ia blong Jisas Kraes blong Ol Lata-dei Sent, wetem Kraes i stap long hed mo profet i man blong toktok long bihaf blong Hem. …
Stamba tingting blong yumi long kingdom ia blong Hem i blong tekem wanwan long yumi i go long Kraes. …
Stat wetem wan smol boe we i pem taeting wetem fet, i go kasem wan singgel mama we i nidim paoa blong gladhat blong Lod, i go kasem wan papa we i traehad blong lukaotem famli blong hem, i go kasem ol bubu we oli nidim ol odinens blong sevem man mo kam olsem wan god, i go kasem wanwan long yumi we i riniu ol kavenan wetem God evri wik, yumi nidim wanwan long yumi, mo yumi save tekem wanwan long yumi i go long hiling blong Sevya we i pemaot man.