“Jenisim Laef blong Folem Tingting blong God,” Blong Ol Yut Oli Kam Strong, Mei 2022.
Satedei Aftenun Sesen
Jenisim Laef blong Folem Tingting blong God
Samfala Pat
Ova long wan laef blong seves mo ol eksperiens long saed blong spirit, mi kam blong andastanem se tru fasin blong jenisim laef, i risal blong yu luksave mo akseptem tingting blong God, mo we Tabu Spirit i save lidim yumi long ol aksen blong yumi. …
?Wanem nao ol samting we wan i mas mekem from se hem i jenisim laef blong hem? …
… Wetem gladhat blong Hem, Sevya i stap invaetem yumi blong stap olsem voes mo han blong Hem. Lav blong Sevya bae i laet we i saenem rod long yumi. Sevya i tijim ol disaepol blong Hem se: “Yufala i mas go long ol man long olgeta ples long wol, blong pulum olgeta oli kam man blong mi.” [Matiu 28:19]. Mo long Josef Smit, Hem i bin talem: “Yufala i mas go long ful wol, mo prijim gospel blong mi long evri man we i no kasem gospel yet.” [Doktrin mo Ol Kavenan 112:28]. …
From se, strong wok we Hem i givim blong serem gospel blong kam pat blong huia yumi, yumi nid blong jenisim laef i go long tingting blong God; yumi nidim blong lavem ol neba blong yumi, serem gospel we i kambak blong Jisas Kraes, mo invaetem evriwan blong kam mo luk. …
Blong jenisim laef blong yumi, i tekem tu, responsabiliti ia blong serem gospel blong Jisas Kraes wetem wol.
Ol blesing blong stap serem gospel, i tekem tu, blong stap kam antap long fasin blong jenisim laef mo tingting i go long tingting blong God, mo letem God i win insaed long laef blong yumi. Yumi blesem ol narawan blong gotru long wan “bigfala jenis” blong hat blong olgeta [Alma 5:14]. I tru, i gat glad we i no save finis taem yumi help blong tekem ol sol oli kam long Kraes. Blong stap wok blong yumi jenisim laef blong yumiwan, mo hemia blong ol narawan, hem i hae tabu wok ia .