“Lavem, Serem, Invaetem” Blong Ol Yut Oli Kam Strong, Mei 2022.
Sandei Moning Sesen
Lavem, Serem, Invaetem
Samfala Pat
Ol memba blong Jos long tetaem ia, stat long ol niu memba kasem olgeta we oli bin kasem plante eksperiens, oli bin tekpat long bigfala wok ia we Sevya i givim, blong stap serem gud nius blong gospel wetem olgeta we oli mitim mo save. …
Yumi tu, olsem ol disaepol blong Kraes, oli invaetem yumi blong mekem wok blong Hem tedei. …
… Tangkyu tumas se, bigfala wok ia blong Sevya i save hapen tru ol simpol prinsipol we i isi blong andastanem, we oli bin tijim long wanwan long yumi taem yumi smol: lavem, serem, mo invaetem. …
Fas samting we yumi save mekem i blong soem lav olsem we Kraes i soem. …
Enitaem we yumi soem lav olsem hemia blong Kraes long ol neba blong yumi, yumi stap prijim gospel—iven sapos yumi no talem wan singgel toktok. …
Yes i tru, hop blong yumi se bae oli akseptem lav blong yumi, mo mesej blong yumi, nomata wanem aksen blong olgeta, we yumi no save kontrolem. …
Nambatu samting we yumi save mekem i blong serem. …
Yumi evriwan i stap serem ol samting wetem ol narawan. …
?Bae i olsem wanem sapos yumi ademap long lis blong ol samting we yumi serem finis, wanem we yumi lavem abaot gospel blong Jisas Kraes? …
Nambatri samting yu save mekem hem i blong invaetem. …
I gat handred long ol invitesen we yumi save givimaot long ol narafala man. Yumi save invaetem ol narawan blong “kam mo luk.” …
Mi invaetem yu blong tingting long ol wei we yu save lavem, serem mo invaetem. Mo taem yu mekem olsem, bambae yu filim wan bigfala glad ia blong save se, yu stap lisin long ol toktok blong Sevya blong yumi, we yumi lavem.