“Rilesensip blong Yumi Wetem God,” Blong Ol Yut Oli Kam Strong, Mei 2022.
Sandei Moning Sesen
Rilesensip blong Yumi Wetem God
Samfala Pat
Yu no sapos blong ting se plan blong God i wan masin blong prestem we (1) yumi jusum wan blesing yumi wantem, (2) yumi prestem totol blong ol gud wok i go, mo (3) oda blong yu i kamaot naoia nomo. …
Fasin blong yumi blong sakem sin mo stap obei, ol sakrifaes blong yumi, mo ol gud wok blong yumi, oli impoten. Yumi wantem stap long medel blong olgeta we Ita i tokbaot se oli “stap mekem plante gudfala wok” [Ita 12:4]. Be i no from sam oli stap kipim rekod long ol akaon buk long selestial wol. Ol samting ia oli impoten from se oli mekem yumi stap mekem wok blong God, mo hemia hem i ol rod ia we yumi wok wetem Hem long jenis blong laef blong yumiwan i aot long man we i folem fasin blong wol i kam wan sent. Wanem we Papa blong yumi long Heven i givim long yumi, i Hemwan mo Pikinini blong Hem, wan rilesensip we i kolosap mo i stastap strong wetem Tufala tru long gladhat mo toktok blong Jisas Kraes, we i Ridima blong yumi.
… Papa blong yumi i glad blong soem rod long wanwan long yumi folem kavenan rod ia we i gat ol step folem nid blong yumi wanwan, mo i stap gud long plan blong Hem blong yumi kasem hapines long en wetem Hem. …
Iven olsem, rod ia i no isi long eniwan long yumi. I gat plante samting blong stretem o smutum blong hem i kam isi. …
So taem yu stap long medel blong faea ia blong smutum man, yu no stap kros long God, be go kolosap long God. Prea long Papa long nem blong Pikinini. Wokbaot wetem Tufala tru long Spirit, dei afta dei. Letem Tufala i soem, wetem taem, we Tufala i tru long yu. Rili kam blong save Tufala mo rili kam blong save huia yu. Letem God i win.