Ol Kavenan wetem God Oli Protektem Yumi, Mekem Yumi Kam Strong Moa mo Rere Yumi from Glori Ia we I No Save Finis,” Blong Ol Yut Oli Kam Strong, Mei 2022.
Sesen blong Ol Woman
Ol Kavenan wetem God Oli Protektem Yumi, Mekem Yumi Kam Strong Moa mo Rere Yumi from Glori Ia we I No Save Finis
Samfala Pat
?Yu yu stanap finis long wan hae klif, we fingga blong leg i holem en blong klif mo bak blong yu i hang long emti spes andanit? Long klif klaem, nating se yu fas gud long wan sistem blong ol strong rop mo tul we i save putum yu sef daon long klif, be blong stanap ia long en blong klif, i mekem hat i pam. Blong tekem step aot long klif mo swing long tintin ea, i askem tras long angka ia, we oli fasem long wan samting we i no save muv. I askem tras long man o woman ia we bae i slakem rop ia taem yu stap go daon. …
Spirit tul we i holemtaet yumi blong no brokbrok long ol ston blong enemi, hem i testemoni blong yumi abaot Jisas Kraes, mo ol kavenan we yumi mekem. Yumi save dipen long ol sapot ia blong lidim mo tekem yumi i go long sefples. Olsem patna we i glad, Sevya bae i no letem yumi foldaon we Hem i no save kasem yumi. …
I no gat wan samting we i moa impoten blong yumi progres blong taem we i no save finis bitim blong stap kipim ol kavenan blong yumi wetem God. …
Mi testifae se, taem yumi jusum blong mekem ol kavenan wetem Papa long Heven mo yusum paoa blong Sevya blong kipim ol kavenan ia, bae yumi gat blesing blong kasem moa hapines long laef ia bitim we yumi stap tingting long hem naoia, mo kasem wan laef we i no save finis blong glori we i stap kam.