“Kraes I Mekem I Kam Gud Samting we I bin Brok,” Blong Ol Yut Oli Kam Strong, Mei 2022.
Sandei Moning Sesen
Kraes I Mekem I Kam Gud Samting we I bin Brok
Samfala Pat
Foto i kam long Mark Mabry
Yumi save lanem plante samting aot long ol skripja abaot olsem wanem Sevya, Jisas Kraes, bae i helpem yumi blong go tru mo winim ol samting long laef blong yumi we oli bin brok, nomata yia blong yumi. …
Long taem we Sevya i stap tij long tempol, ol tija blong loa mo Ol Farisi oli bin tekem wan woman i kam long Hem. Yumi no save ful stori blong woman ia, be nomo we, hem i “slip wetem wan man we i no man blong hem.”[Jon 8:4]. …
Kraes i talem long gudfala pikinini gel ia blong God se “Mi tu mi no save jajem yu. Be i gud yu gohom, mo yu no moa mekem sin bakegen.” [Jon 8:11]. Wan nara wei blong talem “gohom mo no mekem sin bakegen” hem i blong “go fored mo mekem jenis.” Sevya i bin stap invaetem hem blong sakem sin. …
Lod i stap tijim yumi se, blong stap fogivim ol nara man, i wan komanmen we i blong evriwan: “Mi, Lod, bambae mi fogivim huia we bambae mi fogivim; be yufala, mi talem se yufala i mas fogivim evri man” [Doktrin mo Ol Kavenan 64:10]. …
Samtaem yumi save stap olsem man ia we leg blong hem i nogud we i stap askem samting long get blong tempol, yumi gat fasin ia blong wet longtaem—o samtaem no gat fasin ia blong wet longtaem blong—“stap wet long Lod” [Aesea 40:31]. …
Blong stap praktisim fet long Jisas Kraes i no minim nomo blong stap trastem tingting blong Hem, be tu, taem blong Hem. Hem i save stret wanem yumi nidim, mo wetaem yumi nidim. …
… I no gat samting long laef blong yufala we i brokbrok we i go bitim mak blong mekem i kam gud bakegen, fasin blong pemaot man, we i bigfala paoa we i kam long Jisas Kraes.