“Yumi Wanwan I Gat Wan Stori,” Blong Ol Yut Oli Kam Strong Mei 2022.
Satedei Aftenun Sesen
Yumi Wanwan I Gat Wan Stori
Samfala Pat
Ol fren, ol brata mo ol sista. Yumi wanwan i gat wan stori. Taem yumi faenemaot stori blong yumi, yumi konek, yumi pat blong, yumi kam huia yumi. …
?Yu, yu save stori blong yu? …
… Konektem ol nem blong ol famli blong yu we yu save tingbaot we oli stap laef, wetem 10 bilian nem we oli faenem, we naoia FamilySearch i gat koleksen blong hem onlaen mo 1.3 bilian blong wanwan man mo woman long Famli Tri blong hem. …
… Yumi givim ona long ol bubu blong yumi, taem yumi openem ol heven, tru long tempol mo famli histri wok mo blong kam wan we i stap weldem mo konek i go long jen blong ol jeneresen blong yumi. …
Blong joen wetem ol bubu blong yumi, i save jenisim laef blong yumi long ol sapraes wei. Tru long ol tes mo ol sakses blong olgeta, yumi kasem fet mo paoa. Tru long lav mo ol sakrifaes blong olgeta, yumi lanem blong fogiv mo muv i go fored. …
… Ol tempol seves blong ol diawan blong yumi, i mekem se Atonmen ia blong Sevya, i ril nao long olgeta, mo long yumi. From yumi kam tabu, yumi save gobak hom long ples we God i stap long hem, olsem ol famli we i joen tugeta blong taem we i no save finis. …
“?Wanem nao bae yumi mekem naoia?” …
… Putum tugeta ol foto mo ol stori; mekem ol memori blong olgeta oli kamtru. Raetemdaon ol nem, ol eksperiens mo ol impoten deit blong olgeta. Olgeta, oli famli blong yu—famli we yu gat mo famli we yu wantem. …
Nambatu, letem ol eksperiens blong famli histri i wan samting blong mekem from i gat mining be i no blong stap fos blong mekem. …
Nambatri, visitim FamilySearch.org. Daonlodem ol mobael ap we oli stap. …
Nambafo, help blong mekem famli i kam wan blong taem we i no save finis. …
Yumi wanwan i gat wan stori. Kam faenemaot blong yu. Kam faenem voes blong yu, singsing blong yu, pis blong yu long Hem.