“Be Mifala I No Lisin long Olgeta,” Blong Ol Yut Oli Kam Strong Mei 2022.
Satedei Moning Sesen
Be Mifala I No Lisin long Olgeta (1 Nifae 8:33)
Samfala Pat
Toktok ia, heed long Inglis, i stap talem se blong lisingud, o mekem folem wan man o wan samting. …
Doktrin blong Kraes we oli raetem “wetem Spirit blong God we i stap laef long mit blong hat blong yumi,” [2 Korin 3:3] i leftemap paoa blong yumi blong “no lisin” long ol plante samting we i pulum tingting, ol jik, mo tok olbaot blong wan wol we i stap foldaon. …
Taem yumi stap laef folem mo stap folem ol komitmen blong kavenan blong yumi, i mekem se yumi joen gud wetem Lod long wan wei we i gat strong paoa. …
Kavenan we yumi joen long hem wetem God mo Jisas Kraes, hem i rod ia, we tru long hem, bae yumi save kasem paoa long bodi mo long maen blong “no lisin.” Mo bae yumi joen strong moa taem yumi gogohed blong hang strong long aean rel ia. …
Bae mi talem olsem se, blong hang strong long tok blong God i minim se (1) yumi tingbaot, givim ona, mo mekem yumi joen strong moa wetem Sevya mo Papa blong Hem tru long ol kavenan mo odinens blong gospel ia we i kambak, mo (2) yu prea, wetem strong tingting, mo oltaem stap yusum ol tabu skripja mo ol tijing blong ol profet mo ol aposol we oli stap laef olsem ol tru stamba blong trutok we i kam tru long revelesen. …
Gogohed. Hang strong. No lisin.
Mi witnes se taem yumi tru long ol kavenan mo ol odinens blong gospel we i kambak we i blong Sevya, i givim yumi paoa blong gogohed long wok ia blong Lod, blong yumi hang strong long Hem we i Tok Ya blong God, mo blong yumi no lisin long ol giaman blong enemi.