“Gogohed insaed long Ol Strong Win,” Blong Ol Yut Oli Kam Strong, Mei 2022.
Satedei Moning Sesen
Gogohed insaed long Ol Strong Win
Samfala Pat
Long yumi we yumi wari long yumiwan, mo olgeta we yumi lavem, i gat hop long promes ia we God i bin mekem se i gat wan sef ples insaed long ol strong win we oli stap kam. …
Ol toktok blong King Benjamin, olsem profet, oli blong yumi tedei. …
Hem i bin invaetem ol pipol blong hem, mo yumi, blong bildimap yumi antap long sua sef strong ston, we i Sevya. Hem i mekem i klia se yumi fri blong jusum wanem i raet o rong, mo we yumi no save ronwe long ol risal blong ol joes blong yumi. …
Fasin blong yumi i jenis, i kam olsem wan smol pikinini, we i stap obei long God mo i gat moa lav. Jenis ia bae i mekem yumi kwalifae blong stap glad long ol presen we oli kam tru long Tabu Spirit. Blong gat kampani blong Spirit, bae i givim kamfot, i soem rod, mo mekem yumi kam strong moa. …
Taem we ol strong win blong laef oli kam, yu save gogohed, from se yu yu stap stanap antap long strong ston blong bilif blong yu long Jisas Kraes. Bilif ia, bae i lidim yu blong sakem sin evri dei, mo oltaem, kipim kavenan. Afta, bae yu oltaem tingbaot Hem. Mo taem yu stap go tru long ol strong win blong fasin blong no laekem man, mo nogud fasin, bae yu filim se yu stap gogohed mo gat hop. …
… Semmak olsem wan pikinini we i no flas mo i gat lav bae i akseptem help blong Hem. Mekem mo kipim ol kavenan we Hem i stap givim insaed long Jos Ia blong Jisas Kraes blong Ol Lata-dei Sent. Bambae oli mekem yu yu kam strong moa. Sevya i save ol strong win mo ol ples blong sefti we oli stap long rod i gohom long Hem mo long Papa long Heven. Hem i save rod. Hem nao, Hem i Rod.