ចម្លើយគឺព្រះយេស៊ូវគ្រីស្ទជានិច្ច
សេចក្តីដកស្រង់
មួយសប្តាហ៍ទៀតចាប់ពីថ្ងៃនេះទៅ គឺជាថ្ងៃអាទិត្យបុណ្យអ៊ីស្ទើរ ។ វាគឺជា ការ គោរពខាងសាសនាដ៏សំខាន់បំផុត សម្រាប់អ្នកដើរតាមព្រះយេស៊ូវគ្រីស្ទ ។ មូលហេតុចម្បងដែលយើងប្រារព្ធពិធីបុណ្យគ្រីស្ទម៉ាស់ គឺដោយសារបុណ្យអ៊ីស្ទើរ ។ …
… ដោយសារព្រះយេស៊ូវគ្រីស្ទ យើងអាចប្រែចិត្ត ហើយទទួលបានការអភ័យទោសពីអំពើបាបរបស់យើង ។ ដោយសារទ្រង់ នោះយើងម្នាក់ៗនឹងរស់ឡើងវិញ ។ …
… ខ្ញុំសូមអង្វរបងប្អូនឲ្យមករកទ្រង់ ដើម្បីឲ្យទ្រង់អាចព្យាបាល បងប្អូនបាន ! ទ្រង់នឹងព្យាបាលបងប្អូនពីអំពើបាប នៅពេលបងប្អូនប្រែចិត្ត ។ ទ្រង់នឹងព្យាបាលបងប្អូនពីភាពសោកសៅ និងការភ័យខ្លាច ។ ទ្រង់នឹងព្យាបាលបងប្អូនពីរបួសនៃពិភពលោកនេះ ។
មិនថាបងប្អូនមានសំណួរ ឬបញ្ហាអ្វីនោះទេ ចម្លើយត្រូវបានរកឃើញនៅក្នុងព្រះជន្ម និងការបង្រៀនរបស់ព្រះយេស៊ូវគ្រីស្ទជានិច្ច ។ ចូររៀនបន្ថែមទៀតអំពីដង្វាយធួន សេចក្តីស្រឡាញ់ សេចក្តីមេត្តាករុណា គោលលទ្ធិរបស់ទ្រង់ និងដំណឹងល្អនៃការព្យាបាលដែលបានស្តារឡើងវិញ និងការរីកចម្រើន ។ ចូរងាកទៅរកទ្រង់ ! ចូរដើរតាមទ្រង់ !
ព្រះយេស៊ូវគ្រីស្ទគឺជាមូលហេតុដែលយើងសាងសង់ព្រះវិហារបរិសុទ្ធ ។ ព្រះវិហារបរិសុទ្ធនីមួយៗគឺជាដំណាក់ដ៏បរិសុទ្ធរបស់ទ្រង់ ។ ការចុះសេចក្តីសញ្ញា និងការទទួលពិធីបរិសុទ្ធចាំបាច់នៅក្នុងព្រះវិហារបរិសុទ្ធ ព្រមទាំងការព្យាយាមខិតកាន់តែជិតទ្រង់នៅទីនោះ នឹងផ្តល់ពរដល់ជីវិតរបស់បងប្អូន តាមរបៀបដែលគ្មានការថ្វាយបង្គំណាផ្សេងទៀតអាចធ្វើបានឡើយ ។ ដោយមូលហេតុនេះហើយ យើងកំពុងខិតខំអស់ពីលទ្ធភាពក្រោមអំណាចរបស់យើង ដើម្បីធ្វើឲ្យពរជ័យនៃព្រះវិហារបរិសុទ្ធមានកាន់តែងាយស្រួល ដល់សមាជិករបស់យើងនៅជុំវិញពិភពលោក ។
បងប្អូនប្រុសស្រីជាទីស្រឡាញ់របស់ខ្ញុំ ខ្ញុំសូមធ្វើជាសាក្សីថា ព្រះយេស៊ូវគ្រីស្ទដឹកនាំកិច្ចការនៃសាសនាចក្ររបស់ទ្រង់ ។ ខ្ញុំសូមថ្លែងទីបន្ទាល់ថា ការធ្វើតាមទ្រង់គឺជាវិធីតែមួយគត់ឆ្ពោះទៅរកសុភមង្គលដ៏យូរអង្វែង ។