« នៅក្នុងយើង ហើយយើងក្នុងអ្នក ហេតុដូច្នេះហើយ ចូរដើរជាមួយនឹងយើងចុះ »
សេចក្តីដកស្រង់
« ព្រះអម្ចាស់មានបន្ទូលទៅហេណុក …
« … ហើយអ្នក នៅក្នុងយើង ហើយយើងក្នុងអ្នក ហេតុដូច្នេះហើយ ចូរដើរជាមួយនឹងយើងចុះ » [ ម៉ូសេ ៦:៣២, ៣៤ បានបន្ថែមការគូសបញ្ជាក់ ] ។ …
ព្រះអម្ចាស់យេស៊ូវគ្រីស្ទបានប្រទានការអញ្ជើញដល់យើងម្នាក់ៗ ឲ្យនៅជាប់នឹងទ្រង់ ។ ប៉ុន្ដែតើយើងពិតជារៀន និងមកនៅជាប់នឹងទ្រង់យ៉ាងដូចម្ដេច ?
ពាក្យថា នៅជាប់ បង្ហាញពីការនៅនឹងមួយកន្លែង ឬឋិតថេរ និងយូរអង្វែង ដោយមិនងាករេ ។ … ដូច្នេះយើងនៅជាប់នឹងព្រះគ្រីស្ទ ពេលយើងមានភាពរឹងមាំ និងខ្ជាប់ខ្ជួនក្នុងការលះបង់របស់យើងចំពោះព្រះប្រោសលោះ និងព្រះរាជបំណងដ៏បរិសុទ្ធរបស់ទ្រង់ ទាំងគ្រាល្អ និងអាក្រក់ ។
យើងចាប់ផ្ដើមនៅជាប់នឹងព្រះអម្ចាស់ ដោយអនុវត្តសិទ្ធិជ្រើសរើសខាងសីលធម៌របស់យើង ដើម្បីលើកនឹមរបស់ទ្រង់ដាក់មកលើខ្លួនយើងតាមរយៈសេចក្ដីសញ្ញា និងពិធីបរិសុទ្ធទាំងឡាយនៃដំណឹងល្អដែលបានស្ដារឡើងវិញ ។ …
យើងនៅជាប់នឹងទ្រង់ ដោយទទួលទាននូវព្រះបន្ទូលទាំងឡាយនៃព្រះគ្រីស្ទ ។ …
យើងនៅជាប់នឹងទ្រង់ ដោយរៀបចំខ្លួនចូលរួមពិធីបរិសុទ្ធនៃសាក្រាម៉ង់ដោយស្មោះ …
ការសន្យារបស់ព្រះអង្គសង្រ្គោះដល់អ្នកដើរតាមទ្រង់គឺមានពីរផ្នែក ៖ បើយើងនៅជាប់នឹងទ្រង់ នោះទ្រង់នឹងនៅជាប់នឹងយើង ។ ប៉ុន្តែ តើវាពិតជាអាចធ្វើទៅរួចដែរឬទេ ដើម្បីឲ្យព្រះគ្រីស្ទនៅជាប់នឹងបងប្អូន និងរូបខ្ញុំ—ផ្ទាល់ខ្លួនម្នាក់ៗនោះ ? ចម្លើយយ៉ាងច្បាស់ចំពោះសំណួរនេះគឺថា អាចធ្វើបាន ! …
… ទំនាក់ទំនងនៃសេចក្តីសញ្ញាដែលយើងមានជាមួយព្រះវរបិតាសួគ៌ និងព្រះរាជបុត្រាដែលមានព្រះជន្មរស់ឡើងវិញ និងដ៏មានព្រះជន្មរស់ គឺជាប្រភពដ៏អស្ចារ្យនៃទស្សនវិស័យ សេចក្ដីសង្ឃឹម ភាពសុខសាន្ត និងអំណរដ៏យូរអង្វែង …
… ខ្ញុំសូមថ្លែងទីបន្ទាល់អំពីការសន្យារបស់ព្រះអង្គសង្គ្រោះ ដើម្បីនៅជាប់ក្នុងយើងថា ជាការពិត ហើយវាមានដល់សមាជិកគ្រប់រូបដែលរក្សាសេចក្ដីសញ្ញា នៅក្នុងសាសនាចក្រដែលបានស្ដារឡើងវិញរបស់ទ្រង់នេះ ។
… បើយើងនៅក្នុងទ្រង់ នោះទ្រង់នឹងនៅក្នុងយើងដែរ ។