ដំណើររឿងបុណ្យអ៊ីស្ទើរដ៏អស្ចារ្យបំផុតដែលពុំធ្លាប់ដំណាលប្រាប់
សេចក្តីដកស្រង់
តើយើងធ្វើជាគំរូពីការបង្រៀន និងការប្រារព្ធពិធីសម្រាប់ការមានព្រះជន្មរស់ឡើងវិញរបស់ព្រះយេស៊ូវគ្រីស្ទ ដែលជា ដំណើររឿងបុណ្យអ៊ីស្ទើរសមស្របនឹងតុល្យភាព ភាពពេញលេញ និងប្រពៃណីសាសនាដ៏មានអត្ថន័យនៃការប្រសូតរបស់ព្រះយេស៊ូវគ្រីស្ទ ដែលជា ដំណើររឿងនៃបុណ្យគ្រីស្ទម៉ាស់ដោយរបៀបណា ?
… បន្ថែមពីលើខគម្ពីរសំខាន់ៗអំពីបុណ្យអ៊ីស្ទើរនៅក្នុងព្រះគម្ពីរសញ្ញាថ្មី យើងដែលជាពួកបរិសុទ្ធថ្ងៃចុងក្រោយត្រូវបានផ្តល់អំណោយទានពិសិដ្ឋជាបុណ្យអ៊ីស្ទើរដ៏អស្ចារ្យបំផុត ! … ជាការពិតណាស់ ខ្ញុំកំពុងសំដៅទៅលើព្រះគម្ពីរមរមន ហើយជាពិសេសជាងនេះទៅទៀត ចំពោះដំណើររឿងនៃព្រះយេស៊ូវគ្រីស្ទ ទ្រង់បានលេចមកឲ្យអ្នករស់នៅក្នុងពិភពលោកថ្មី នៅក្នុងសិរីល្អដែលបានមានព្រះជន្មរស់ឡើងវិញរបស់ទ្រង់ ។ …
… យើងសង្ឃឹមថានឹងធ្វើឲ្យជំពូកទាំងនេះនៅក្នុង នីហ្វៃទី ៣ ក្លាយជាផ្នែកមួយនៃប្រពៃណីបុណ្យអ៊ីស្ទើររបស់យើងដូចជាមាននៅក្នុង លូកា ២ ដែលជាប្រពៃណីបុណ្យគ្រីស្ទម៉ាស់របស់យើង ។ តាមការពិត ព្រះគម្ពីរមរមនចែកចាយដំណើររឿងនៃបុណ្យអ៊ីស្ទើរដ៏អស្ចារ្យបំផុតដែលមិនធ្លាប់ដំណាលប្រាប់ ។ សូមកុំឲ្យដំណើររឿងបុណ្យអ៊ីស្ទើរដ៏អស្ចារ្យបំផុតនោះមិនត្រូវបានដំណាលប្រាប់ឡើយ ។
ខ្ញុំសូមអញ្ជើញបងប្អូនឲ្យគិតពីព្រះគម្ពីរមរមនតាមរបៀបថ្មី ហើយពិចារណាលើសាក្សីដែលបង្ហាញអំពីការពិតនៃព្រះគ្រីស្ទដែលបានមានព្រះជន្មរស់ឡើងវិញ ក៏ដូចជាភាពអស្ចារ្យ និងជម្រៅនៃគោលលទ្ធិរបស់ព្រះគ្រីស្ទផងដែរ ។ …
ដំណើរទស្សនកិច្ចរបស់ទ្រង់ជាព្រះអង្គសង្គ្រោះដែលមានព្រះជន្មរស់ឡើងវិញ ដែលណែនាំដោយព្រះជាព្រះវរបិតា គឺជាសារលិខិតនៃបុណ្យអ៊ីស្ទើរដ៏រុងរឿង និងជោគជ័យបំផុត ។ វានឹងជួយសមាជិកគ្រួសារឲ្យទទួលបានទីបន្ទាល់ផ្ទាល់ខ្លួនអំពីព្រះយេស៊ូវគ្រីស្ទជាព្រះអង្គសង្គ្រោះ និងជាព្រះប្រោសលោះរបស់យើង ដែលបានផ្ដាច់ចំណងនៃសេចក្តីស្លាប់ ។