តើបងប្អូនដឹងទេថា ហេតុអ្វីក្នុងនាមជាគ្រីស្ទានខ្ញុំជឿលើព្រះគ្រីស្ទ ?
សេចក្តីដកស្រង់
កាលប៉ុន្មានឆ្នាំកន្លងទៅ នាល្ងាចមួយពេលចេញពីធ្វើការ ខ្ញុំបានជិះរថយន្តក្រុងដូចសព្វមួយដង ពី ញ៉ូវ យ៉ក ទៅផ្ទះនៅ ញ៉ូវ ជើស៊ី ។ ស្ត្រីដែលអង្គុយក្បែរខ្ញុំ សង្កេតឃើញអ្វីដែលខ្ញុំកំពុងសរសេរក្នុងកុំព្យូទ័រ រួចបានសួរថា « តើលោកជឿលើ…ព្រះគ្រីស្ទឬ ? » …
… កុមារ និងយុវវ័យ ៖ សូមក្មួយៗសួរឪពុកម្ដាយ ឬអ្នកដឹកនាំនៅពេលក្រោយថា « ហេតុអ្វីព្រះយេស៊ូវត្រូវតែសុគតដូច្នេះ ? » …
មែនហើយ ខ្ញុំបានប្រាប់មិត្តថ្មីខ្ញុំថាក្រៅពីរូបកាយ យើងក៏មានវិញ្ញាណផងដែរ ហើយព្រះជាព្រះវរបិតាខាងវិញ្ញាណរបស់យើង ។ … ដោយសារទ្រង់ស្រឡាញ់គាត់ និងបុត្រាបុត្រីទាំងអស់របស់ទ្រង់ នោះទ្រង់បានបង្កើតផែនការមួយឲ្យយើង ទទួលបានរូបកាយតាមរូបអង្គដ៏រុងរឿងនៃទ្រង់ កើតក្នុងគ្រួសារមួយ ហើយត្រឡប់ទៅវត្តមានដែលពេញដោយក្តីស្រឡាញ់របស់ទ្រង់ ដើម្បីរីករាយនឹងជីវិតដ៏អស់កល្បជានិច្ចជាមួយក្រុមគ្រួសារយើងដូចគ្រួសារទ្រង់ផងដែរ ។ ប៉ុន្តែខ្ញុំបានប្រាប់ថា យើងនឹងប្រឈមមុខនឹងឧបសគ្គចម្បងពីរនៅក្នុងពិភពលោកធ្លាក់ចុះនេះ ៖ ( ១ ) សេចក្តីស្លាប់ខាងសាច់ឈាម—គឺវិញ្ញាណយើងបែកចេញពីរូបកាយរបស់យើង ។ … និង ( ២ ) សេចក្ដីស្លាប់ខាងវិញ្ញាណ—គឺយើងបែកចេញពីព្រះ ដោយសារអំពើបាប កំហុស និងការធ្វើខុសក្នុងជីវិតរមែងស្លាប់ ធ្វើឲ្យយើងឃ្លាតឆ្ងាយពីវត្តមានដ៏បរិសុទ្ធរបស់ទ្រង់ ។ …
ខ្ញុំបានថ្លែងទីបន្ទាល់ដល់មិត្តខ្ញុំ ហើយធ្វើជាសាក្សីដល់បងប្អូនថា ព្រះយេស៊ូវគ្រីស្ទគឺ[ ជា ]ព្រះអង្គសង្រ្គោះ ថាទ្រង់ ត្រូវ រងទុក្ខ សុគត ហើយមានព្រះជន្មរស់ឡើងវិញ—គឺជាដង្វាយធួន ដ៏និរន្តរ៍ របស់ទ្រង់—ដែលប្រោសលោះមនុស្សជាតិទាំងអស់ពីសេចក្ដីស្លាប់ខាងសាច់ឈាម ហើយផ្តល់ជីវិតដ៏អស់កល្បជានិច្ចដល់ អស់អ្នក ដែលនឹងដើរតាមទ្រង់ ឲ្យនៅជាមួយព្រះ និងក្រុមគ្រួសារយើង ។ …
ជំហានទាំងឡាយដែលព្រះបានបើកសម្តែងដែលយើងត្រូវតែធ្វើតាមព្រះយេស៊ូវ ហើយទទួលបានជីវិតដ៏អស់កល្បជានិច្ច នោះត្រូវបានហៅថា គោលលទ្ធិនៃព្រះគ្រីស្ទ ។ ជំហានទាំងនោះរួមមាន « សេចក្តីជំនឿលើព្រះយេស៊ូវគ្រីស្ទ និងដង្វាយធួនរបស់ទ្រង់ ការប្រែចិត្ត ពិធីបុណ្យជ្រមុជទឹក [ ចូលជាសមាជិកសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ] ទទួលអំណោយទាននៃព្រះវិញ្ញាណបរិសុទ្ធ និងកាន់ខ្ជាប់ដរាបដល់ចុងបំផុត » [ ប្រកាសដំណឹងល្អទ្រង់ ( ឆ្នាំ ២០១៩ ) ទំព័រ ៦៣ ] ។