ប្រមូលផ្តុំគ្នាទៅផ្ទះដោយសុវត្ថិភាព
សេចក្ដីដកស្រង់ ។
ព្រះវរបិតានៃវិញ្ញាណរបស់យើងមានព្រះទ័យចង់ឲ្យបុត្រាបុត្រីរបស់ទ្រង់ ប្រមូលផ្តុំគ្នាទៅផ្ទះដោយសុវត្ថិភាព …
អស់អ្នកដែលទទួលយកដំណឹងល្អនៃព្រះយេស៊ូវគ្រីស្ទដោយមិនថាជាពូជពង្សណានោះទេ ក្លាយជាផ្នែកនៃអ៊ីស្រាអែលដែលបានប្រមូលផ្តុំនោះ ។ ដោយមានការប្រមូលផ្តុំ និងព្រះវិហារបរិសុទ្ធជាច្រើនដែលបានសាងសង់ និងប្រកាសនោះ យើងស្ថិតនៅទីតាំងពិសេសមួយដើម្បីប្រមូលសាសន៍អ៊ីស្រាអែលនៅផ្នែកទាំងសងខាងនៃវាំងនន ដែលមិនធ្លាប់មានពីមុនមកនៅក្រោមផែនការរបស់ព្រះវរបិតាឡើយ ។ …
… យើងមានអំណរគុណដែលសមាជិក និងអ្នកផ្សព្វផ្សាយសាសនាឥឡូវនេះកំពុងប្រឹងប្រែងបន្ថែមដើម្បីប្រមូលសាសន៍អ៊ីស្រាអែលដែលខ្ចាត់ខ្ចាយ ។ … យ៉ាងណាក៏ដោយ ការប្ដេជ្ញាចិត្តរបស់យើងក្នុងការស្រឡាញ់ ចែកចាយ និងអញ្ជើញអាចបានកើនឡើងយ៉ាងខ្លាំង ។
ផ្នែកសំខាន់មួយនៃកិច្ចការផ្សព្វផ្សាយសាសនានេះគឺសម្រាប់សមាជិកម្នាក់ៗដើម្បីធ្វើជាគំរូនៃពន្លឺដ៏ចែងចាំងនៅគ្រប់ទីកន្លែងដែលយើងរស់នៅ ។ យើងមិនអាចលាក់បាំងបានទេ ។ គំរូដូចជាព្រះគ្រីស្ទរបស់យើងអំពីសេចក្តីសប្បុរស សេចក្តីសុចរិត សុភមង្គល និងសេចក្តីស្រឡាញ់ដ៏ស្មោះស្ម័គ្រចំពោះគ្រប់មនុស្សទាំងអស់ អាចបង្កើតមិនត្រឹមតែជាពន្លឺនាំផ្លូវដ៏ចែងចាំងសម្រាប់ពួកគេប៉ុណ្ណោះទេ ប៉ុន្តែក៏បង្កើតនូវការយល់ដឹងថា មានទីសុវត្ថិភាពនៅក្នុងពិធីបរិសុទ្ធនៃសេចក្តីសង្គ្រោះ និងភាពតម្កើងឡើងនៃដំណឹងល្អដែលបានស្ដារឡើងវិញនៃព្រះយេស៊ូវគ្រីស្ទផងដែរ ។
យើងគោរពដល់សិទ្ធិក្នុងការជ្រើសរើស ។ ក្នុងពិភពលោកនេះ មនុស្សជាច្រើននឹងមិនឆ្លើយតប ហើយចូលរួមក្នុងការប្រមូលសាសន៍អ៊ីស្រាអែលទេ ។ ប៉ុន្តែមនុស្សជាច្រើនទៀតនឹងចូលរួម ហើយព្រះអម្ចាស់រំពឹងថាអស់អ្នកដែលបានទទួលយកដំណឹងល្អរបស់ទ្រង់នឹងខិតខំជាបន្ទាន់ ដើម្បីធ្វើជាគំរូដ៏ចែងចាំង ដែលនឹងជួយអ្នកដទៃឲ្យមករកព្រះ ។ ការណ៍នេះអនុញ្ញាតឲ្យបងប្អូនប្រុសស្រីរបស់យើងនៅទូទាំងផែនដីរីករាយនឹងពរជ័យ និងពិធីបរិសុទ្ធដ៏អស្ចារ្យនៃដំណឹងល្អដែលបានស្ដារឡើងវិញរបស់ព្រះយេស៊ូវគ្រីស្ទ ហើយធ្វើជា ប្រមូលផ្តុំគ្នាទៅផ្ទះដោយសុវត្ថិភាព ។