ចូរកុំបោះបង់ឱកាសដើម្បីថ្លែងទីបន្ទាល់អំពីព្រះគ្រីស្ទ
សេចក្តីដកស្រង់
ខណៈយើងមិនអាចរីករាយនឹងការបាននៅក្បែរទ្រង់ខាងសាច់ឈាម ដូចអ្នកដែលបានដើរជាមួយព្រះគ្រីស្ទ អំឡុងការងារបម្រើរបស់ទ្រង់នៅលើផែនដីក៏ពិតមែន តែតាមរយៈព្រះវិញ្ញាណបរិសុទ្ធ នោះយើងអាចទទួលបានព្រះចេស្ដារបស់ទ្រង់ជារៀងរាល់ថ្ងៃ ! បានច្រើនបំផុតតាមដែលយើងត្រូវការ ! …
… យើងនឹងមានភាពជិតស្និទ្ធនឹងព្រះគ្រីស្ទកាន់តែខ្លាំងឡើង តាមរយៈការថ្វាយបង្គំជាញឹកញាប់នៅក្នុងព្រះវិហារបរិសុទ្ធ ការប្រែចិត្តជារៀងរាល់ថ្ងៃ ការសិក្សាបទគម្ពីរ ការមកព្រះវិហារ និងចូលរៀនថ្នាក់សិក្ខាសាលា ការពិចារណាពីពររបស់លោកអយ្យកោយើង ការទទួលបានពិធីបរិសុទ្ធដោយមានភាពស័ក្ដិសម និងការគោរពតាមសេចក្តីសញ្ញាដ៏ពិសិដ្ឋ ។ ទាំងអស់នេះយាងអញ្ជើញព្រះវិញ្ញាណឲ្យបំភ្លឺគំនិតរបស់យើង ហើយវានាំឲ្យមានសេចក្តីសុខសាន្ត និងការការពារបន្ថែមទៀត ។ ប៉ុន្ដែ តើយើងចាត់ទុកទង្វើទាំងនេះថាជាឱកាសដ៏ពិសិដ្ឋដើម្បីថ្លែងទីបន្ទាល់អំពីព្រះគ្រីស្ទដែរឬទេ ? …
មានអំណាចក្នុងការបង្កើតទម្លាប់ដ៏បរិសុទ្ធទាំងនេះឲ្យក្លាយជាសាក្សីអំពីព្រះ ហើយមិនមែនជាបញ្ជីដែលត្រូវធ្វើនោះទេ ។ ដំណើរការនេះនឹងមានបន្ដិចម្ដងៗ ប៉ុន្តែនឹងរីកចម្រើនពេលមានការចូលរួមយ៉ាងសកម្មជារៀងរាល់ថ្ងៃ ហើយដកពិសោធន៍ប្រកបដោយគោលបំណងជាមួយព្រះគ្រីស្ទ ។ នៅពេលយើងធ្វើសកម្មភាពយ៉ាងខ្ជាប់ខ្ជួនលើការបង្រៀនរបស់ទ្រង់ នោះយើងនឹងទទួលបានទីបន្ទាល់អំពីទ្រង់ យើងស្ថាបនាទំនាក់ទំនងជាមួយទ្រង់ និងជាមួយព្រះវរបិតាសួគ៌របស់យើង ។ យើងចាប់ផ្ដើមក្លាយដូចជាទ្រង់ទាំងទ្វេ ។
ពួកមារសត្រូវបង្កើតសំឡេងរំខានយ៉ាងខ្លាំង ដែលធ្វើឲ្យយើងអាចពិបាកស្ដាប់ឮព្រះសូរសៀងរបស់ព្រះអម្ចាស់។ … យើងចង់បង្កើតឲ្យមានទម្លាប់នៃភាពជាសិស្ស និងទីបន្ទាល់ដែលនឹងនាំឲ្យយើងផ្តោតទៅលើការពឹងផ្អែករបស់យើងលើព្រះអង្គសង្គ្រោះជារៀងរាល់ថ្ងៃ ។
… សូមរកមើលព្រះគ្រីស្ទនៅគ្រប់ទីកន្លែង―ខ្ញុំសន្យាថា ទ្រង់គង់នៅទីនោះ ! អំណរដ៏ពិតប្រាកដគឺអាស្រ័យលើឆន្ទៈរបស់យើងដើម្បីចូលទៅកាន់តែជិតព្រះគ្រីស្ទ ហើយបានឃើញច្បាស់ដោយខ្លួនយើងផ្ទាល់ ។