ចូរចងចាំអ្វីដែលសំខាន់បំផុត
សេចក្តីដកស្រង់
ថ្ងៃនេះខ្ញុំនឹងចែកចាយពីអារម្មណ៍ និងគំនិតមួយចំនួនអំពីអ្វីដែលសំខាន់បំផុត ។
ទីមួយ ទំនាក់ទំនងជាមួយព្រះវរបិតាសួគ៌យើង និងព្រះរាជបុត្រាទ្រង់ គឺព្រះអម្ចាស់ព្រះយេស៊ូវគ្រីស្ទ សំខាន់បំផុត ។ ទំនាក់ទំនងនេះសំខាន់បំផុតនៅពេលនេះ និងអស់កល្បជានិច្ច ។
ទីពីរ ទំនាក់ទំនងគ្រួសារគឺស្ថិតក្នុងចំណោមរឿងដែលសំខាន់បំផុតទាំងនោះ ។ …
ខ្ញុំទទួលស្គាល់ថា អ្នកខ្លះប្រហែលជាគ្មានពរជ័យនៃគ្រួសារដ៏ស្និទ្ធស្នាលមួយនោះទេ ដូច្នេះខ្ញុំរួមបញ្ចូលទាំងគ្រួសារសាច់ឆ្ងាយ មិត្តភក្តិ និងសូម្បីតែក្រុមគ្រួសារវួដថាជា « គ្រួសារ » ផងដែរ ។ ទំនាក់ទំនងទាំងនេះគឺចាំបាច់សម្រាប់សុខភាពផ្លូវចិត្ត និងរាងកាយ ។ …
រឿងមួយទៀតដែលសំខាន់បំផុតនោះគឺការធ្វើតាមការបំផុសគំនិតរបស់ព្រះវិញ្ញាណនៅក្នុងទំនាក់ទំនងដ៏សំខាន់បំផុតរបស់យើង និងនៅក្នុងការខិតខំរបស់យើងដើម្បីស្រឡាញ់អ្នកជិតខាងឲ្យដូចជាខ្លួនយើង រួមទាំងនៅក្នុងការងារបម្រើជាឯកជន និងសាធារណៈរបស់យើងផងដែរ ។ …
ជាចុងក្រោយ នៅចុងសប្តាហ៍ថ្ងៃអាទិត្យធាងចាកនេះ ខ្ញុំសូមថ្លែងទីបន្ទាល់ថា ការប្រែចិត្តជឿទៅលើព្រះអម្ចាស់ ការថ្លែងទីបន្ទាល់អំពីទ្រង់ និងការបម្រើទ្រង់ក៏ស្ថិតនៅក្នុងចំណោមរឿងដែលសំខាន់បំផុតផងដែរ ។ …
ការមានទីបន្ទាល់តែមួយមុខគត់ គឺមិនគ្រប់គ្រាន់ទេ ។ នៅពេលការប្រែចិត្ដជឿរបស់យើងទៅលើព្រះយេស៊ូវគ្រីស្ទរីកលូតលាស់ឡើង នោះយើងចង់ថ្លែងទីបន្ទាល់អំពីទ្រង់—អំពីសេចក្តីល្អ សេចក្តីស្រឡាញ់ និងសេចក្តីសប្បុរសរបស់ទ្រង់ដោយឯកឯង ។ …
ខ្ញុំសូមអញ្ជើញបងប្អូនថ្លែងទីបន្ទាល់របស់បងប្អូនអំពីព្រះយេស៊ូវគ្រីស្ទឲ្យកាន់តែញឹកញាប់ឡើង ។ …
អ្នកទាំងឡាយដែលដឹងអ្វីមួយ ដែលកើតចេញពីទីបន្ទាល់របស់បងប្អូន អាចទូលសូមព្រះអម្ចាស់នៅក្នុងការអធិស្ឋាន ដើម្បីបញ្ជាក់ពីសេចក្ដីពិតនៃទីបន្ទាល់របស់បងប្អូន ។ បន្ទាប់មកពួកគេអាចដឹងដោយខ្លួនឯងបាន ។