អ្នកដើរតាមម្ចាស់នៃមេត្រីភាព
សេចក្តីដកស្រង់
ក្នុងនាមជាសិស្សរបស់ម្ចាស់នៃមេត្រីភាព យើងត្រូវបានបង្គាប់ឲ្យរស់នៅដោយ « មានចិត្តចងក្រងរួមគ្នាដោយសាមគ្គី ហើយស្រឡាញ់គ្នាទៅវិញទៅមក » [ ម៉ូសាយ ១៨:២១ ] ។ …
… ទីសម្គាល់ដ៏ច្បាស់បំផុតមួយដែលយើងកំពុងខិតកាន់តែជិតព្រះអង្គសង្គ្រោះ ហើយក្លាយកាន់តែដូចទ្រង់នោះ គឺជាសេចក្តីស្រឡាញ់ ភាពអត់ធ្មត់ និងការប្រព្រឹត្តចំពោះមនុស្សទូទៅដោយសប្បុរស មិនថាយើងសិ្ថតក្នុងកាលៈទេសៈណាទេ ។ …
… ពេលគិតអំពីការបង្រៀនរបស់ព្យាការីនេះ វាពុំគួរឲ្យភ្ញាក់ផ្អើលនោះទេ ដែលល្បិចមួយរបស់ខ្មាំងសត្រូវ គឺវាបង្កើតឲ្យមានភាពជាសត្រូវ និងកំហឹងនៅក្នុងចិត្តរបស់បុត្រាបុត្រីនៃព្រះ ។ សាតាំងត្រេកអរនៅពេលដែលវាឃើញមនុស្សរិះគន់ ចំអក និងជេរគ្នា ។ …
បងប្អូនប្រុសស្រីជាទីស្រឡាញ់នៅពេលយើងខិតខំអភិវឌ្ឍនូវគុណលក្ខណៈឲ្យដូចជាព្រះអង្គសង្គ្រោះ នោះយើងអាចក្លាយជាឧបករណ៍នៃភាពសុខសាន្តរបស់ទ្រង់នៅលើពិភពលោកនេះបាន ស្របតាមលំនាំដែលព្រះអង្គទ្រង់ផ្ទាល់បានបង្កើតឡើង ។ ខ្ញុំសូមអញ្ជើញបងប្អូនឲ្យពិចារណាអំពីវិធីនានាដែលយើងអាចប្រែក្លាយខ្លួនទៅជាមនុស្សដែលលើកស្ទួយគេ និងជាអ្នកគាំទ្រគេ ជាមនុស្សមានការយល់ដឹង និងចិត្តអធ្យាស្រ័យ ជាមនុស្សស្វែងរកសេចក្តីល្អបំផុតនៅក្នុងអ្នកដទៃ ទាំងចងចាំជានិច្ចថា « បើសិនជាមានអ្វីណាមួយ ដែលប្រកបដោយគុណធម៌ គួរស្រឡាញ់ ឬឈ្មោះល្អ ឬក៏គួរឲ្យសរសើរ នោះយើងខ្ញុំស្វែងរករបស់ផងទាំងនេះហើយ » [ មាត្រានៃសេចក្ដីជំនឿ ១:១៣ ] ។
ខ្ញុំសន្យានឹងបងប្អូនថា នៅពេលយើងស្វែងរក និងអភិវឌ្ឍនូវគុណលក្ខណៈទាំងនេះ នោះយើងនឹងកាន់តែមានភាពស្និទ្ធស្នាល ហើយងាយដឹងអំពីតម្រូវការរបស់អ្នកផងទាំងពួងហើយនឹងទទួលបានអំណរ ភាពសុខសាន្ត និងការរីកចម្រើនខាងវិញ្ញាណ ។