ព្រះយេស៊ូវគ្រីស្ទជាសេចក្ដីសង្គ្រោះ
សេចក្តីដកស្រង់
យើងម្នាក់ៗប្រៀបដូចជាកំពុងស្ពាយកាបូបមួយ ។ …
កាបូបស្ពាយនេះគឺប្រៀបដូចជាយើងស្ពាយបន្ទុកនៃការរស់នៅក្នុងពិភពលោកដែលធ្លាក់ចុះនេះ ។ បន្ទុករបស់យើងគឺដូចជាថ្មនៅក្នុងកាបូបនោះ ។ …
ខ្ញុំសូមប្រកាសដោយអំណរថាបន្ទុកនៃជីវិតរមែងស្លាប់របស់យើង ថ្មទាំងនេះដែលនៅក្នុងកាបូបស្ពាយរបស់យើង វាគ្រាន់តែជាការប្រៀបធៀបប៉ុណ្ណោះ សូមកុំមានអារម្មណ៍ថាធ្ងន់ឡើយ ។
ព្រះយេស៊ូវគ្រីស្ទអាចសម្រាលបន្ទុករបស់យើងបាន ។
ព្រះយេស៊ូវគ្រីស្ទអាចលើកបន្ទុករបស់យើងឡើង ។
ព្រះយេស៊ូវគ្រីស្ទផ្ដល់នូវរបៀបមួយដើម្បីឲ្យយើងបានធូរស្រាលពីទម្ងន់នៃអំពើបាប ។
ព្រះយេស៊ូវគ្រីស្ទគឺជាសេចក្ដីសង្គ្រោះរបស់យើង ។ …
ដូច្នេះហេតុអ្វីយើងទទូចសែងថ្មរបស់យើងតែម្នាក់ឯង ?…
បងប្អូនប្រុសស្រី ខ្ញុំមិនអាចទៅតែឯង ខ្ញុំមិនធ្វើដូច្នេះ ហើយខ្ញុំនឹងមិនធ្វើបែបនោះទេ ។ …
អ្នករក្សាសេចក្ដីសញ្ញាបានពរដោយទទួលបានការសង្គ្រោះពីព្រះអង្គសង្គ្រោះ ។ …
ការប្រែចិត្តតាមរយៈដង្វាយធួននៃព្រះយេស៊ូវគ្រីស្ទ គឺបានសម្រាលបន្ទុកយើងពីទម្ងន់ថ្មនៃអំពើបាប ។ …
ដង្វាយធួនរបស់ព្រះយេស៊ូវគ្រីស្ទក៏ធ្វើឲ្យយើងអាចទទួលកម្លាំងដើម្បីអភ័យទោស អនុញ្ញាតឲ្យយើងទម្លាក់ចោលនូវទម្ងន់ដែលយើងរែកពន់ដោយសារតែការប្រព្រឹត្ដមិនត្រឹមត្រូវរបស់អ្នកដទៃ ។
ដូច្នេះតើព្រះអង្គសង្គ្រោះរំដោះយើងពីបន្ទុកនៃការរស់នៅក្នុងពិភពលោកដ៏វិកវរ ជាមួយនឹងរូបកាយរមែងស្លាប់ដែលរងនូវទុក្ខវេទនានិងការឈឺចាប់យ៉ាងដូចម្ដេច ?
ជាញឹកញាប់ ទ្រង់ធ្វើការសង្គោ្រះបែបនេះតាមរយៈយើង ! …
ពរជ័យនៃសេចក្ដីសញ្ញារបស់យើងគឺដើម្បីធ្វើជាដៃគូនឹងព្រះយេស៊ូវគ្រីស្ទក្នុងការផ្ដល់ការសង្គ្រោះទាំងខាងរូបកាយ និងខាងវិញ្ញាណ ដល់បុត្រាបុត្រីរបស់ព្រះទាំងអស់ ។ …
បងប្អូនប្រុសស្រី ព្រះយេស៊ូវគ្រីស្ទ គឺជាសេចក្តីសង្គ្រោះ ។ … សេចក្ដីសង្គ្រោះដែលទ្រង់ប្រទានដល់យើងគឺរហូតអស់កល្បជានិច្ច ។