ព្រះយេស៊ូវគ្រីស្ទគឺជាកម្លាំងរបស់ឪពុកម្ដាយ
សេចក្តីដកស្រង់
គឺដូចជាព្រះយេស៊ូវគ្រីស្ទគឺជាកម្លាំងរបស់យុវវ័យដែរ ព្រះយេស៊ូវគ្រីស្ទក៏ជាកម្លាំងរបស់ឪពុកម្ដាយផងដែរ ។
សេចក្ដីស្រឡាញ់របស់ឪពុកម្តាយចំពោះកូន គឺជាកម្លាំងដ៏ខ្លាំងក្លាបំផុតមួយក្នុងសកលលោកនេះ ។ វាគឺជារឿងមួយក្នុងចំណោមរឿងមួយចំនួននៅលើផែនដីនេះ ដែលពិតជាអាចមានអស់កល្បជានិច្ចបាន ។ …
កម្លាំងមួយទៀតដែលបងប្អូនមាន ក្នុងនាមជាឪពុកម្តាយ គឺជាឱកាសដើម្បីមានឥទ្ធិពលជារៀងរាល់ថ្ងៃ បន្តឥតដាច់ ។ …
វិធីដ៏មានអានុភាពមួយទៀតដែលព្រះគាំទ្រដល់ឪពុកម្ដាយ គឺតាមរយៈអំណោយទាននៃវិវរណៈផ្ទាល់ខ្លួន ។ ព្រះអន្ទះសាសព្វព្រះទ័យចាក់ស្រោចព្រះវិញ្ញាណរបស់ទ្រង់មកដើម្បីណែនាំឪពុកម្ដាយ ។ …
ប្រហែលជំនួយដ៏សំខាន់បំផុតដែលព្រះយេស៊ូវគ្រីស្ទប្រទានដល់ឪពុកម្ដាយគឺ « ការផ្លាស់ប្ដូរដ៏ធំ » នៃដួងចិត្តបងប្អូន ។ វាគឺជាអព្ភូតហេតុមួយដែលពួកយើងម្នាក់ៗត្រូវការ ។ …
… តាមរយៈព្រះគុណរបស់ព្រះអង្គសង្គ្រោះ បន្ដិចម្ដងៗ នោះបងប្អូននឹងអភិវឌ្ឍគុណលក្ខណៈដែលឪពុកម្ដាយត្រូវការបន្ថែមទៀត ៖ ស្រឡាញ់ព្រះ និងបុត្រាបុត្រីរបស់ទ្រង់ ចិត្តអំណត់ ការមិនគិតពីខ្លួនឯង សេចក្ដីជំនឿលើព្រះគ្រីស្ទ និងភាពក្លាហានដើម្បីជ្រើសយកជម្រើសសុចរិត ។ …
កិច្ចខិតខំរបស់យើងដើម្បីស្ថាបនាសេចក្ដីជំនឿលើព្រះយេស៊ូវគ្រីស្ទគឺផ្តោតទៅលើគេហដ្ឋាន និងបុគ្គលម្នាក់ៗ ។ ហើយសាសនាចក្រគាំទ្រដល់កិច្ចខិតខំនេះ ។ ក្រៅពីព្រះគម្ពីរដ៏ពិសិដ្ឋ និងពាក្យសម្ដីរបស់ព្យាការី សាសនាចក្ររបស់ព្រះអង្គសង្រ្គោះផ្ដល់នូវធនធានជាច្រើន ដើម្បីជួយឪពុកម្ដាយ និងកូនៗឲ្យធ្វើការជ្រើសរើសដោយសុចរិត ។ …
នៅក្នុងផែនការរបស់ព្រះវរបិតាសួគ៌ ទំនាក់ទំនងក្រុមគ្រួសារមានដល់ភាពអស់កល្បជានិច្ច ។ នេះគឺជាមូលហេតុដែលក្នុងនាមជាឪពុកម្ដាយ បងប្អូនមិនត្រូវបោះបង់ចោលឡើយ ទោះបីជាបងប្អូនមិនមានមោទនភាពចំពោះរឿងដែលបានកើតឡើងកាលពីមុនក៏ដោយ ។
ជាមួយនឹងព្រះយេស៊ូវគ្រីស្ទ ដែលជាលោកចៅហ្វាយខាងការព្យាបាល និងព្រះអង្គសង្គ្រោះ យើងអាចមានការចាប់ផ្ដើមថ្មីជានិច្ចបាន ហើយទ្រង់ប្រទានសេចក្ដីសង្ឃឹមជានិច្ច ។
ព្រះយេស៊ូវគ្រីស្ទគឺជាកម្លាំងរបស់ក្រុមគ្រួសារ [,] យុវវ័យ [ និង ]ឪពុកម្ដាយ ។