ការងារបម្រើ
សេចក្តីដកស្រង់
ក្នុងនាមជាអ្នកដើរតាមព្រះយេស៊ូវគ្រីស្ទ យើងខិតខំព្យាយាមផ្ដល់ការងារបម្រើដល់មនុស្សដទៃ ដូចដែលទ្រង់ធ្វើដោយសារមានជីវិតជាច្រើនកំពុងរង់ចាំការផ្លាស់ប្ដូរ ។ …
នៅគ្រប់ទីកន្លែងដែលខ្ញុំទៅ ខ្ញុំមានអំណរគុណដែលបានរៀនពីបងប្អូនប្រុសស្រីដែលផ្ដល់ការងារបម្រើ និងខ្វល់ខ្វាយ ដូចដែលព្រះអង្គសង្គ្រោះរបស់យើងនឹងធ្វើដែរ ។ …
ការផ្ដល់ការងារបម្រើតាមរបៀបកាន់តែខ្ពស់ និងកាន់តែបរិសុទ្ធកើតឡើង នៅពេលយើងអធិស្ឋានទូលសូម « សេចក្ដីស្រឡាញ់ដ៏សុទ្ធសាធនៃព្រះគ្រីស្ទ » [ សូមមើល មរ៉ូណៃ ៧:៤៧–៤៨ ] ហើយធ្វើតាមព្រះវិញ្ញាណនោះ ។ …
… យើងអាចឈោងទៅជួយ ស្វែងយល់ពីអ្នកដទៃ ហើយបង្កើតចំណងមិត្តភាពនៅច្រើនកន្លែង ពេលយើងទៅសួរសុខទុក្ខសមាជិកនៅក្នុងផ្ទះរបស់ពួកគេជាទៀងទាត់ ។ ការអញ្ជើញដ៏បំផុសគំនិតផ្លាស់ប្ដូរជីវិត ។ នៅពេលការអញ្ជើញជួយយើងឲ្យធ្វើ និងរក្សាសេចក្ដីសញ្ញាដ៏ពិសិដ្ឋ នោះយើងខិតទៅកាន់តែជិតព្រះអម្ចាស់ និងជិតគ្នាទៅវិញទៅមក ។ …
ការងារបម្រើដ៏បំផុសគំនិតផ្ដល់ពរជ័យដល់ក្រុមគ្រួសារ និងបុគ្គលជាច្រើន ។ វាក៏ពង្រឹងដល់វួដ និងសាខាទាំងឡាយផងដែរ ។ …
ព្រះអង្គសង្គ្រោះគឺជាគំរូដ៏ល្អឥតខ្ចោះរបស់យើង ។ ដោយសារទ្រង់ល្អ នោះទ្រង់អាចយាងធ្វើអំពើល្អ ។ ទ្រង់ប្រទានពរដល់ម្នាក់ និងដល់ ៩៩ នាក់ទៀតដែរ ។ ទ្រង់បានបង្ហាញពីព្រះរាជបំណងផ្ដល់ការងារបម្រើដល់ប្រជាជន ។ …
ព្រះយេស៊ូវគ្រីស្ទផ្ដល់ការងារបម្រើ ។ ពួកទេវតាផ្ដល់ការងារបម្រើ ។ … កាលដែលយើងផ្ដល់ការងារបម្រើដូចដែលទ្រង់បានធ្វើ នោះយើងនឹងឃើញពរជ័យ និងអព្ភូតហេតុទាំងឡាយរបស់ទ្រង់ ។ …
មិនថាយើងនៅកន្លែងណាទេ នៅរដូវបុណ្យអ៊ីស្ទើរនេះ ចូរយើងឈោងទៅជួយ ហើយយកចិត្តទុកដាក់ដូចជាព្រះអង្គសង្រ្គោះធ្វើ ជាពិសេសដល់អស់អ្នកដែលយើងមានឯកសិទ្ធិផ្ដល់ការងារបម្រើដោយសេចក្ដីស្រឡាញ់ និងការចាត់តាំង ។ ពេលយើងធ្វើបែបនេះ សូមឲ្យយើងចូលកាន់តែជិតព្រះយេស៊ូវគ្រីស្ទ និងគ្នាទៅវិញទៅមក ក្លាយកាន់តែដូចទ្រង់ និងក្លាយជាអ្នកដើរតាមព្រះយេស៊ូវគ្រីស្ទ ដូចដែលទ្រង់ចង់ឲ្យយើងម្នាក់ៗប្រែក្លាយ ។