រួមមកតែមួយនៅក្នុងព្រះគ្រីស្ទ
សេចក្តីដកស្រង់
មានតែនៅក្នុងព្រះយេស៊ូវគ្រីស្ទប៉ុណ្ណោះ ដែលយើងពិតជាអាចរួមមកតែមួយបាន ។
ការរួមមកតែមួយនៅក្នុងព្រះគ្រីស្ទកើតឡើងម្តងម្នាក់ៗ—ពោលគឺយើងម្នាក់ៗចាប់ផ្ដើមពីខ្លួនឯង ។ យើងជាមនុស្សដែលមានទាំងសាច់ឈាម និងវិញ្ញាណ ហើយពេលខ្លះយើងមានជម្លោះក្នុងខ្លួនឯង ។ …
ព្រះយេស៊ូវក៏ជាព្រះមួយអង្គដែលមានព្រះកាយ និងវិញ្ញាណផងដែរ ។ ទ្រង់ត្រូវបានសាកល្បង ទ្រង់យល់ ទ្រង់អាចជួយយើងឲ្យទទួលបានសាមគ្គីភាពនៅក្នុងខ្លួនយើង ។ …
… ប្រាកដណាស់ ដើម្បី « ប្រដាប់កាយដោយព្រះគ្រីស្ទ » រួមទាំងធ្វើឲ្យ « បញ្ញត្តិយ៉ាងសំខាន់ទីមួយ » [ សូមមើល ម៉ាថាយ ២២:៣៧–៣៨ ] របស់ទ្រង់ ក្លាយជាការតាំងចិត្តយ៉ាងសំខាន់ទីមួយរបស់យើង ហើយបើយើងស្រឡាញ់ព្រះ នោះយើងនឹងកាន់តាមបញ្ញត្តិរបស់ទ្រង់ ។
សាមគ្គីភាពជាមួយបងប្អូនប្រុសស្រីយើងនៅក្នុងរូបកាយនៃព្រះគ្រីស្ទរីកចម្រើនឡើង នៅពេលយើងស្តាប់បង្គាប់តាមបទបញ្ញត្តិទីពីរ—ដែលមានទំនាក់ទំនងយ៉ាងស្អិតរមួតទៅនឹងបញ្ញត្តិទីមួយ—គឺស្រឡាញ់អ្នកដទៃដូចខ្លួនយើងដែរ ។ …
នៅពេលយើង « ប្រដាប់កាយដោយព្រះគ្រីស្ទ » នោះនឹងមានដំណោះស្រាយ ឬគ្មានភាពខុសគ្នា ការខ្វែងគំនិតគ្នា និងជម្លោះឡើយ ។ …
សាមគ្គីភាពមិនតម្រូវឲ្យមានភាពដូចគ្នានោះទេ ប៉ុន្តែវាតម្រូវឲ្យមានភាពចុះសម្រុងនឹងគ្នា ។ យើងអាចមានចិត្តចងក្រងរួមគ្នាក្នុងសេចក្ដីស្រឡាញ់រួបរួមតែមួយក្នុងសេចក្តីជំនឿ និងគោលលទ្ធិ នៅតែអបអរដល់ក្រុមផ្សេងៗដែល មិនយល់ស្របលើបញ្ហានយោបាយផ្សេងៗ ការពិភាក្សាអំពីគោលដៅ និងវិធីត្រឹមត្រូវដើម្បីសម្រេចវា និងរឿងបែបនេះជាច្រើនទៀត ។ ប៉ុន្តែយើងមិនអាចខ្វែងគំនិត ឬឈ្លោះគ្នាដោយកំហឹង ឬមើលងាយគ្នាទៅវិញទៅមកនោះទេ ។ …
ខ្ញុំសូមនិយាយជាថ្មីថា មានតែនៅក្នុង និងតាមរយៈសេចក្ដីទៀងត្រង់របស់យើងម្នាក់ៗចំពោះនិងសេចក្តីស្រឡាញ់នៃព្រះយេស៊ូវគ្រីស្ទប៉ុណ្ណោះ ដែលយើងអាចសង្ឃឹមថា រួបរួមតែមួយ—គឺមករួមតែមួយក្នុងខ្លួនយើង នៅក្នុងផ្ទះ នៅក្នុងសាសនាចក្រ ទីបំផុតមករួមតែមួយនៅក្នុងក្រុងស៊ីយ៉ូន ហើយលើសពីនោះ រួមមកតែមួយជាមួយព្រះវរបិតា និងព្រះរាជបុត្រា និងព្រះវិញ្ញាណបរិសុទ្ធ ។