ការស្វែងរកភាពសុខសាន្តផ្ទាល់ខ្លួន
សេចក្តីដកស្រង់
ថ្ងៃនេះខ្ញុំនឹងនិយាយអំពីអព្ភូតហេតុដែលខ្ញុំបានរៀន អំពីការស្វែងរកភាពសុខសាន្តផ្ទាល់ខ្លួន មិនថាយើងស្ថិតក្នុងកាលៈទេសៈណាទេ ។
ខ្ញុំបានរៀនសេចក្តីពិតយ៉ាងតិចចំនួនប្រាំ មកពីការបង្រៀន [ នោះ ] របស់ព្រះអង្គសង្រ្គោះ ។
ទីមួយ អំណោយទាននៃភាពសុខសាន្តបានប្រទានឲ្យ បន្ទាប់ពី យើងមានជំនឿក្នុងការកាន់តាមបទបញ្ញត្តិរបស់ទ្រង់ ។ …
ទីពីរ ព្រះវិញ្ញាណបរិសុទ្ធនឹងយាងមក ហើយគង់នៅជាមួយយើង ។
ទីបី ព្រះអង្គសង្គ្រោះសន្យាថា ពេលយើងរក្សាសេចក្ដីសញ្ញារបស់យើង នោះយើងអាចទទួលអារម្មណ៍នៃក្ដីស្រឡាញ់របស់ព្រះវរបិតា និងព្រះរាជបុត្រាដែលមានរវាងទ្រង់ និងបុត្រាទ្រង់ និងសម្រាប់យើងផងដែរ ។ …
ទីបួន ការកាន់តាមបទបញ្ញត្តិរបស់ព្រះអម្ចាស់ គឺតម្រូវឲ្យធ្វើលើសពីការគោរពប្រតិបត្តិ ។ យើងត្រូវស្រឡាញ់ព្រះឲ្យអស់ពីចិត្ត អស់ពីកម្លាំង អស់ពីគំនិត និងអស់ពីព្រលឹងរបស់យើង ។ …
ទីប្រាំ ប្រាកដណាស់ព្រះអម្ចាស់សព្វព្រះទ័យនឹងយើងគ្រប់គ្រាន់ល្មម ដើម្បីបង់ថ្លៃអំពើបាបរបស់យើង —តាមរយៈសេចក្តីជំនឿលើទ្រង់ និងការប្រែចិត្តរបស់យើង តាមរយៈឥទ្ធិពលនៃដង្វាយធួនរបស់ទ្រង់—ដូច្នេះយើងអាចបាន អំណោយទាននៃភាពសុខសាន្ត « ដែលហួសលើសពីអស់ទាំងគំនិត » [ ភីលីព ៤:៧ ] នៅក្នុងជីវិតនេះ និងជាមួយទ្រង់រហូតអស់កល្បជានិច្ច ។ …
សមាជិកទូទាំងសាសនាចក្របានទទួលអារម្មណ៍ពីអំណោយទាននៃភាពសុខសាន្តផ្ទាល់ខ្លួនរបស់ព្រះអម្ចាស់ ។ ទ្រង់កំពុងលើកទឹកចិត្តមនុស្សគ្រប់រូប ឲ្យជួយអ្នកដទៃមានឱកាសមករកទ្រង់ ហើយសមនឹងទទួលបានភាពសុខសាន្តដូចគ្នានោះ ។ ពួកគេនឹងជ្រើសរើសស្វែងរកការបំផុសគំនិត ដើម្បីដឹងពីរបៀបដែលពួកគេអាចចែកចាយអំណោយទាននេះទៅអ្នកដទៃទៀត ។
ជំនាន់ដែលកំពុងពេញវ័យនេះ នឹងក្លាយជាអ្នកចិញ្ចឹមបីបាច់ជំនាន់ក្រោយទៀត ។ ឥទ្ធិពលមកពីជំនាន់នេះនឹងបង្កើតអព្ភូតហេតុមួយ ។ ឥទ្ធិពលនេះនឹងដុះដាល ព្រមទាំងលូតលាស់ទៅ ហើយនគររបស់ព្រះអម្ចាស់នៅលើផែនដីនឹងរៀបចំត្រៀមខ្លួនរួចរាល់ ដើម្បីស្វាគមន៍ទ្រង់ដោយការស្រែកហូសាណា ។ ភាពសុខសាន្ដនឹងកើតមាននៅលើផែនដី ។