សម័យប្រជុំព្រឹកថ្ងៃអាទិត្យ
ចិត្តខ្ញុំនឹកគិតទៅលើរឿងនេះអំពីព្រះយេស៊ូវគ្រីស្ទ
សេចក្តីដកស្រង់
រឿងដ៏អស្ចារ្យមួយនៅក្នុងព្រះគម្ពីរមរមនតំណាលប្រាប់ពីយុវជនម្នាក់មកពីគ្រួសារខ្ពង់ខ្ពស់មួយឈ្មោះអាលម៉ា ដែលព្រះគម្ពីរបានពិពណ៌នាថា ជាអ្នកឥតជំនឿដែលថ្វាយបង្គំរូបព្រះ ។ …
កាលអស់សង្ឃឹមខ្លាំងនោះលោកបាននឹកចាំការបង្រៀនកាលលោកនៅយុវវ័យអំពី « ការយាងមកនៃព្រះយេស៊ូវគ្រីស្ទជាព្រះរាជបុត្រានៃព្រះ ដើម្បីមកធ្វើឲ្យធួននឹងអំពើបាបទាំងឡាយនៃមនុស្សលោក » [ អាលម៉ា ៣៦:១៧ ] ។ … នៅពេលលោកបានអំពាវនាវទូលសូមព្រះចេស្តាដ៏ទេវភាពរបស់ព្រះអង្គសង្គ្រោះ នោះអព្ភូតហេតុបានកើតឡើង ៖ … រំពេចនោះលោកបានទទួលអារម្មណ៍នៃភាពសុខសាន្ត និងពន្លឺ ។ …
អាលម៉ា « បាននឹកគិតទៅលើរឿងនេះ » អំពីសេចក្តីពិតរបស់ព្រះយេស៊ូវគ្រីស្ទ ។ …
… ការធ្វើសកម្មភាពដោយសេចក្ដីជំនឿទៅលើសេចក្ដីពិតនោះ និងតាមរយៈព្រះចេស្តា និងព្រះគុណនៃព្រះ នោះលោកត្រូវបានសង្គ្រោះពីក្តីអស់សង្ឃឹម ហើយបានពោរពេញទៅដោយសេចក្ដីសង្ឃឹម ។
… ចិត្តរបស់យើងក៏ « នឹកគិតទៅលើរឿងនេះ » គឺអំពីព្រះយេស៊ូវគ្រីស្ទ និងការពលិកម្មដោយក្តីមេត្តាករុណារបស់ទ្រង់ ហើយព្រលឹងយើងបានទទួលអារម្មណ៍នៃពន្លឺ និងអំណរដែលកើតឡើងក្រោយមក ។ …
… សេចក្ដីស្រឡាញ់របស់យើងចំពោះទ្រង់ ពុំអាចរារាំងយើងពីភាពសោកសៅ និងទុក្ខព្រួយក្នុងជីវិតរមែងស្លាប់នេះបានទេ ប៉ុន្តែសេចក្ដីស្រឡាញ់នេះអនុញ្ញាតឲ្យយើង ហែលឆ្លងកាត់ឧបសគ្គនានាដោយកម្លាំងមួយដែលលើសពីសមត្ថភាពយើងផ្ទាល់ ។ …
តាមរយៈការផ្ដោតចិត្តរបស់យើងទៅលើព្រះយេស៊ូវគ្រីស្ទ នោះអ្វីៗដែលនៅជុំវិញយើង—ដែលកំពុងមានវត្តមាន—ត្រូវបានមើលឃើញដោយក្ដីស្រឡាញ់របស់យើងចំពោះទ្រង់ ។ … ពេលបងប្អូនបន្តយកចិត្តទុកដាក់នឹកគិតអំពីព្រះយេស៊ូវគ្រីស្ទ ទុកចិត្តលើទ្រង់ ហើយគោរពបទបញ្ញត្តិទ្រង់ ខ្ញុំសន្យាថា បងប្អូនមិនត្រឹមតែទទួលបានការណែនាំពីសួគ៌ាប៉ុណ្ណោះទេ តែបងប្អូននឹងទទួលបានព្រះចេស្តាពីសួគ៌ាផងដែរ—ពោលគឺព្រះចេស្តាដែលពង្រឹងដល់សេចក្តីសញ្ញារបស់បងប្អូន ភាពសុខសាន្តក្នុងគ្រាលំបាក និងអំណរនៅក្នុងពរជ័យរបស់បងប្អូន ។