Maswali na Majibu

Je, nifanye nini ikiwa nahisi kuwa sina uzoefu wa kiroho?”

“Omba katika jina la Yesu Kristo kuhusu matatizo yako, hofu zako, udhaifu wako—ndiyo, mahitaji hasa ya moyo wako. Na kisha sikiliza! … Unaporudia mchakato huu … , ‘utakua katika kanuni za ufunuo.’”

Rais Russell M. Nelson, “Ufunuo kwa ajili ya Kanisa, Ufunuo kwa ajili ya Maisha Yetu,” mkutano mkuu wa Aprili 2018 (Ensign au Liahona, Mei 2018, 95).

Tafakari, Andika, na Fikiri

“Mwishoni mwa siku, ninachukua muda kutafakari na kuandika katika shajara yangu kuhusu uzoefu wa kiroho niliopokea siku hiyo na kufikiria juu yake. Wakati wowote ninapofanya hivi, ninahisi amani. Pia inanikumbusha kutafuta uzoefu wa kiroho kila siku.”

Kianna G., 16 Zamboanga del Norte, Ufilipino

Mwombe Mungu

“Kwa kuendelea kusoma maandiko yako na kusali kila siku ni njia kuu ya kumwonesha Mungu kwamba unataka kuwa na uzoefu wa kiroho. Ikiwa unahisi kama huna uzoefu wa kiroho, basi mwombe Mungu kwa dhati akuwezeshe uutambue Yeye anakupenda na atajibu sala zako pale unapotafuta kufanya sehemu yako.”

Elijah C., 15, Utah, Marekani

“Kuwa Mvumilivu

Kuwa mvumilivu. Uzoefu wako siku zote hautakuwa kama wa wengine’.”

Isabella F., 16, São Paulo, Brazil

Ishi Injili

“Tutapata uzoefu wa kiroho kwa kusoma maandiko, kusikiliza maneno ya nabii, kufunga, kusali, kwenda hekaluni na kuwahudumia wengine. Mambo haya yanatusaidia kumkaribia zaidi Kristo na kuwa zaidi wapokeaji wa misukumo kutoka kwa Roho Mtakatifu ambayo inatuletea amani.”

Nellie R., 16 Hidalgo, Mexico

Weka umakini.

“Hatuna budi siku zote kukumbuka kusikiliza kwa makini ushawishi wa Roho Mtakatifu. Tunaweza kuupata kupitia mambo madogo sana. Japokuwa ni madogo, yanaweza kutoa mwangwi wa milele.”

Melissa A, 14, Paraiba, Brazil

Majibu haya yamekusudiwa kuwa ya msaada na mtazamo, na siyo kama matamko rasmi ya mafundisho ya Kanisa.

Je, Wewe Unafikiria Nini?

“Je, ninawezaje kufanya ‘nuru yangu ing’ae ikiwa mimi si mtu wa kuchangamana sana?”

Tuma jibu lako na picha kabla ya Agosti 15, 2023.

Tuandikie barua pepe kwenye [e-mail]. Au nenda kwenye ftsoy.ChurchofJesusChrist.org na bofya “Tuma Kazi Yako.” Ingia kwa kutumia Akaunti yako ya Kanisa kisha uchague “Kwa Ajili ya Nguvu Kwa Vijana” kwenye sehemu ya “Chagua Magazeti.” Bofya “Ongeza Faili” ili uchague faili na picha zako, kisha ubofye “Tuma” ili upakie na utume faili lako. .

Majibu yanaweza kuhaririwa kwa ajili ya urefu au ufafanuzi.