Bendishoná i Felis ta esnan ku ta Warda e Mandamentunan di Dios

Pa Elder Von G. Keetch

Di e Setenta

E bareranan establesé pa Señor ta krea pa nos un haf safe kontra di maldat i influensianan destruktivo.

Algun tempu pasa ora mi tabata di bishitá na Oustralia, mi a bai na un bunita bahia (ku tabata formá manera un sapatu di kabai) ku tabata renombrá pa su surfing. Na e momentu ku mi tabata kana banda di e playa, mi tabata fasiná dor di e olanan grandi ku tabata kibra djis pafó di e bahia i e olanan mas chikitu ku tabata yega mas serka di kantu.

Sigun mi a sigui mi kanamentu, mi a kontra un grupo di sùrfernan Merikano. Nan tabata notablemente disgustá over di algu, papiando duru i hasiendo seña den direkshon di e laman. Ora mi a puntra nan kiko a pasa, nan a mustra mi un punto djis pafó di e bahia kaminda e olanan grandi tabata kibra.

“Mira ayanan,” un di nan a bisami rabiá. “Bo por mira e barera?” Mirando mas serka awor aki, mi por a, di bèrdat mira e barera ku tabata ekstendé over di henter e boka di e bahia, eksaktamente kaminda e olanan grandi i atraktivo tabata kibra. E bareranan tabata parse di tabata trahá di un red pisá i tabata wòrdu sostené dor di vlòtnan riba e awa. Segun e sùrfernan, e tabata kai te abou na suela di e oséano.

E surfer Merikano ta kontinuá, “Nos ta aki na un biahe di ‘un bia den bida’ pa nos sùrf riba e olanan grandi aki. Nos por sùrf riba e olanan mas chikí ku ta kibra den e bahia mes, pero e barera ta pone ku ta imposibel pa nos por sùrf esnan grandi. Nos no tin un idea dikon e barera ta poné einan. E úniko kos ku nos sa, ta ku el a daña tur nos biahe.”

Sigun e surfer merikano tabata bira mas i mas agitá, mi atenshon a wòrdu hala dor di un otro surfer ku tabata den bisindario---un hòmber mas bieu i evidentemente un hende lokal. Tabata parse ku e tabata birando sin pasenshi sigun ku e tabata skucha e kehonan, ku tabata oumentando, tokante di e barera.

Finalmente el a lanta i kana yega serka di e grupo. Sin bisa nada, el a saka un vèrekeiker for di su tas di lomba i a ofresé nan un di e sùrfernan, mustrando den direkshon di e barera. Kada un di e e sùrfernan a wak dor di e vèrekeiker. Ora tabata mi turno, ku ayudo di ekspanshon, mi por a mira algu ku mi no tabata por a mira promé: hala di lomba---tribonnan grandi komiendo banda di e ref na otro banda di e barera.

E grupo a bira modesto masha lihé. E surfer mas bieu a kue su vèrekeiker bek i a bira pa kana bai. Na momentu ku e tabata hasiendo esei, el a bisa palabranan ku nunka lo mi no lubidá: “No sea muchu krítiko riba e barera,” el a bisa. “ Ta e úniko kos ku ta stroba boso di wòrdu devorá.”

Pará riba e playa bunita ei, nos perspektiva di ripiente a kambia. Un barera ku promé tabata mustra rígido i restriktivo---ku tabata parse di kita e alegria i eksitashon di kore e olanan hopi grandi---a bira un kos hopi diferente. Ku nos komprondementu nobo di e peliger ku tabata lur djis bou di superfisio, e barera awor tabata ofresé protekshon, seguridat, i pas.

Segun boso i ami ta kana e kamindanan di bida i pèrsigui nos soñonan, Dios su mandato i stándartnan---manera e barera---tin biaha por ta difísil pa komprondé. Nan por ta paresé rígido i infleksibel, blòkiando un kaminda ku ta parse prèt i eksitante i ku ta wòrdu siguí dor di asina hopi otronan. Manera e Apòstel Pablo a deskribí, “Nos ta mira dor di un spil, no direktamente,”¹ ku un perspektiva asina limitá ku hopi biaha nos no por kapta e gran peligernan ku ta skondí djis bou di e superfisio.

Pero E ku ta “kapta tur kos”² sa presisamente unda e peligernan ei ta sinta. E ta duna nos direkshon divino, via di Su mandatonan i guia duná ku amor, asina ku nos por evitá peligernan--- asina ku nos por pone un kurso den nos bida ku ta wòrdu protehé kontra di bestianan feros spiritual i e boka hanchu di piká.³

Nos ta mustra nos amor pa Dios—i nos fe den Dje---dor di hasi nos bèst tur dia pa sigui e kurso ku El a pone pa nos i dor di warda e mandamentunan ku El a duna nos. Nos ta manifestá e fe i amor ei espesialmente den situashonnan kaminda ku nos no ta komprondé enteramente e rason p´e mandamentu di Dios òf e kaminda partikular ku E ta bisa nos pa tuma. Ta relativamente fásil pa sigui un kurso dentro di e barera ora nos sa ku e bestianan feros aki ta plamá djis pafó di dje. Ta mas difísil pa tene nos kurso dentro di e barera ora ku e úniko kos ku nos por mira ta e olanan eksitante i atraktivo na e otro banda. Sinembargo ta na e momentonan ei---momentonan ora ku nos ta skohe pa ehekutá nos fe, pone nos konfiansa den Dios, i demostrá nos amor p´E---ku nos ta krese i gana mas tantu.

Den e Tèstamènt Nobo, Ananías no por a komprondé de mandato di Señor pa buska i bendishoná Saul---un hòmber ku literalmente tabatin un lisensia pa sera esnan ku tabata kere den Cristu den prison. Sinembargo pasó el a obedesé Dios su mandato, Ananías a hunga un ròl instrumental den e nasementu spiritual di e Apòstel Pablo.⁴

Segun nos ta konfia den Señor, ehersé nos fe, obedesé Su mandamentunan, i sigui e kurso ku El a plania pa nos, nos ta bira mas e persona ku Señor ke pa nos bira. Ta e “biramentu ---e konvershon di kurason aki---ta esei ta e kos mas importante. Manera Elder Dallin H. Oaks a instruí nos: “No ta sufisiente pa niun hende pa solamente aktuá mekanikamente. E mandamentunan, ordenansanan, i konvenionan di e evangelio no ta un lista di depósito rekirí pa wòrdu hasi den un òf otro kuenta selestial. E evangelio di JesuCristu ta un plan ku ta mustra nos kon por bira loke nos Tata Selestial ta deseá pa nos bira.”⁵

Obedensia puro, pa e motibu ei, ta nifiká duna nos mes kompletamente na Dje i lag’é plania nos kurso tantu den awanan kalmu, komo den esnan turbulento, komprondiendo ku E por saka mas for di nos, ku hamas nos por hasi nos mes.

Segun nos ta someté nos mes na Su boluntat, nos ta krese den pas i felisidat. Rei Benjamin a siña ku esnan ku warda e mandatonan di Dios ta “bendishoná i felis ... den tur kos, tantu temporal komo spiritual.”⁶ Dios ke pa nos tin goso. E ke pa nos tin pas. E ke pa nos logra. E ke pa nos ta safe i pa nos ta wòrdu protehé di e influensianan di mundu ku ta tur rondó di nos.

Poné un otro manera, e mandamentunan di Señor no ta konstituí di algun labirinto di bareranan di bou di awa ku ta kaba ku bo, kaminda nos tin ku siña pa sin gana soportá den e bida aki di manera ku nos por wòrdu eksaltá den esun siguiente. Mas mihó bisa, e bareranan establesé dor di Señor ta krea un haf safe pa nos kontra di e influensianan malu i destruktivo ku di otro manera lo lastra nos pa bai te den fondo di desesperashon. E mandamentunan di Señor ta wòrdu duná for di amor i kuido; nan ta intenshoná pa nos goso den e bida aki⁷ mes un kos ku nan ta intenshoná pa nos goso i eksaltashon den esun siguiente. Nan ta marka e manera ku nos lo mester aktua---i mas importante ainda, nan ta iluminá ken nos lo mester bira.

Manera den tur kos bon i berdadero, JesuCristu ta para komo e mihó ehèmpel. E akto mas grandi di obedensia den henter eternidat a sosedé ora ku e Yu a someté Su mes na e boluntat di e Tata. Pidiendo den humildat mas profundo ku e kopa por wòrdu kitá---ku E tin mag di kana un otro ruta di esun ku a wòrdu marká pa E---Cristu a someté Su mes na e ruta ku Su Tata tabata ke pa E tuma. E tabata un ruta ku a hiba na Getsémani i Golgota, kaminda El a sufri agonia i sufrimentu inimaginabel i kaminda El a wòrdu totalmente bandoná ora ku Su Tata su Spiritu a kita bai. Pero e mes un ruta ei a kulminá den un graf bashí riba e di tres dia, ku gritunan di “El a resusitá!”⁸ zonando den oreanan i kurasonnan di esnan ku tabata stim’é. E tabata inkluí goso i konsolashon inimaginabel sentrá den Su Ekspiashon pa tur Dios su yunan dor di henter eternidat. Dor di laga Su boluntat wòrdu gulí dor di esun di e Tata, Cristu a duna nos e prospekto di pas, goso, i bida eterno.

Mi testifiká ku nos ta yunan di un Dios ku ta stima nos. Mi testiguá ku E ke pa nos ta felis, safe i bendishoná. Pa e motibu ei, El a plania pa nos un kurso ku ta guia nos bèk na Dje, i El a establesé bareranan ku lo protehá nos riba e kaminda. Segun nos hasi nos bèst pa sigui e kurso ei, nos lo haña siguridat, felisidat i pas berdadero. I ora nos someté nos mes na Su boluntat, nos ta bira loke E ke pa nos bira. Den nòmber di JesuCristu, amèn.