Lohng Puhsrwacl
Ke facluh se suc arulacna pohs puhsra okahrkahr, Pahpah Tuhmasr Inkuhsrao el oruh fihsrwacsr nuh sesr in lohng ac ukwe Puhsrwacl.
Olutu, mukul wiyacn muhtwacn kiyuck el sang sie mwe sihm srihsrihk nuh sin muhtwacn kiyuck ma el suhmuhslah nuh sin ninac kiyacl yac puhspuhs somlah tari. Ke pacl sacn, Tahmtahel Homer el muhtwacn srihsrihk se. Ke ip se, mwe sihm srihsrihk fahk muh, “Ninac sacohk, nga sislah koluk nga tiac som fahkwack luhlahlfongi luhk mihsenge—tuhsruhktuh nga luhngse kom.” Ke kuht som in mongo ke pacl infulwacn lwen, nga nuhnkuh ma sacn pa ma na wo. Na, nga muhta na, ac nga suhmuhslah sie mwe sihm srihsrihk ma fahk muh, “Lwen wo Prestuhn Nelson, nga sislah koluk nga tiac oruh sramsram luhk mihsenge—tuhsruhktuh nga luhngse kom.” Tuhsruhktuh nga tiac puhla wo ke ma sacn. Na ohinge, kuht oasr, ac nga engan in sang kahs luhk nuh ke kahs luhn mwet puhspuhs suc sramsram tari ke toeni inge mihsenge.
Ke yac pucspucs somlah ah, nga forfor ke aksohk srihsrihk soko wi paeluht sasuc se in us mwe kahsruhsr uh. Ke tui sahflah lasr, kuht eis lwelah in fohlohk nuh ten. Tuhsruhk ke kuht apkuhran nuh infohk uh, nga lohng mwe kahskahs se suc tuhkuh yurin paeluht sac me in ahkkahlwemye fahk in “olwack.” Paeluht sac ngwet nuh yurin paeluht se ma etuh yohk ke usyacn mwe kahsruhsr soko ah, suc el srihsrngiyac nuh ke infohk uh sahyac, liki acn in ai luhn aksohk, ac fahk, “Ingena!”
Aksohk soko ukwacsr ah kihluck nuh lacsac ac nuh infohk uh, ac sifilpac fohlohkyak nuh ke acn in kahsruhsr na pwacye uh, sifilpac tui ke acn in tui luhn aksohk, ac moullac in tui ke acn kuht e tui we. Kuht lotwelah lah mwe kahsruhsr lucng inge ahkpwacye lah ac wo in sifilpac oacyak. Kuh kuht ukwe mwe ahkkahlwemye elyah se suc tuhkuh nuh sesr, suc kuht ayaol nuhnak kac, liki na in lusrong, ke tuhkuh ke aksohk soko ah. Ke ohiyac ma sikyak nga puhlakihn luti yucme mwe lutlut na yohk srihpac luo: Ma se meet, ke oacna sie pacl in moul lasr uh, kuht ac tuhfah lohng puhsra na pucspucs ac tuhkuh nuh ke ma kuht oasr kac nuhnkuh. Ac ahkluo, arulacna enenuh se na kuht in lohng ma se suc pwacye.
Puhsra Okahrkahr
Kuht muhta ke moul se ke puhsra na puhkantwen suc suk ma kuht in lohacng nuh kac. Wi mwe fahkwack fin facluh, tweets, blogs, podcast, ac mwe fahkwack ke Alexa, Siri, ac kuhtuh pac sahyac, kuht kuh in sokwack upac puhsra ma kuht etuh suc puhsra in luhlahlfongiyuck. Kuhtuh pacl uh kuht sifacna sokwack mwe ahkkahlwemye in kol kuht ke moul lasr uh, nuhnkuh muh el suc mahtuh ke matwac pa mwe ahkkahlwemye pwacye. Kuhtuh pacl uh kuht “tui in nuhnkuh … infulwacn sulwaclah luo,”1 sulwaclah in “sie sin ohu kuh fol.”2 Srackna kuhtuh pacl uh kuht ukwe meac fal nuh sesr, lohacng nuh ke puhsra se fanna kuh ma yohk srihpac in kol kuht, kuh in fungyang yohk nuh ke mwe nuhnak lasr sifacna in oruh ma.
Ke kais sie sin ma inge kuh pac in kahsruh uh, ma kuht moulkihn kuh puhlakihn tari luti kuht lah elos tiac pacl nuhkwewa kuh in luhlahlfongiyuck. Ma suc arulacna pwengpweng pa tiac pacl nuhkwewa wo ahluhkwelah. Wacngihn kuhiyac ke sulwaclah luo suc use mwe ahkuhtweyac. Fal nuh ke enenuh luhn mwet el kol ma suc yohk srihpac. Puhla ke puhsra se fanna kuh ma yohk srihpac in fahkwack kuh in kapsreni kuht in kuh in liye. Ac lohacng nuh ke mwe nuhnak lasr sifacna kuh in kol kuht nuh ke wellac in nuhnak. Fin kuht tiac akikuhti, puhsra tahfonglac kuh in kol kuht liki wosasuc nuh ke luhlahlfongi pa upac in sukokyak, ac kuht sokwack ke kuhtuh srihk ke wacngihnlac, ma sruhngwacyuck, ac tiac engan kac.
Lohng ke Puhsra Tahfonglac
Fuhlwema nuh sihk nga in oruh lah meac nga fahkkihn ke orekmakihnyacn ma se nuh ke ma se ac srihkasrak ke ma suhmuhslah uh. Mwet fan finohl elos fan ke lusac na loes liki 8,000 mita “sahflahiyacn misac” mweyen ke acn tohktohk inge tiac fal eng in ngusrokyuck nuh ke moul. Oasr ma oacna sie nuh ke mwet uh kuh ma uh suc pa sahflahiyacn misac. Fin kuht sislah pacl lasr ke acn kuht tiac luhlahlfongi, etweyuck muh puhsra na wowo ac orekmakihn kuht nuh ke nguhn in eng ma kuht enenuh.
Ke Puk luhn Mormon, kuht riti ke Korihor, suc oasr ohiyac el puhlakihn tari. El engankihn pohsiyac mweyen luti lal “nuhnak muhnahs [nuh ke] enenuh luhn nuhnak.”3 El fahk lah ninac pahpah ac mwet pahluh luti facsin kikiacp oreklac in ahksrihkyelah sukohsohk ac in sifilpac ahkmuhngmuhngye in ahkfahsryeyuck.4 El akuhkuhin muh mwet uh enenuh in sukohsohk in oruh oacna sie elos sulwaclah mweyen masap uh wacngihn likina srihkasrak ma ac ahkfahsryeyucklac tiac fal in orek.5 Nuh Sel, luhlahlfongi ke Iwaclah lal Jisus Krais lah “nuhnak ma tiac kolyuck,” oreklac ke luhlahlfongi ke el suc tiac kuh in sikyak mweyen El tiac kuh in liyeyuck.6
Korihor el oreklac muh el tiac monglac lah el utuckyak meet liki el suc wal luhlahp in nuhnuhnkuh ac ke mwet kol ke alu. Pa ingen, el tuhkahkyak “ke kahs ma koluklac,” srisri luhn mwet kol ac oreklac luhn ma sihmlac nuh ke mwe ahkkahlwemye. Ma sihmlac ke mwe ahkkahlwemye eisyuckyang. El sun ongaiyac el an tiac kuh in sramsram. Korihor el akihlwacnwack lah el luhlahlfongiyuck ke ma tiac pwacye, ac nuhnkweyuck ke ma pwacye el orwaclah, el ahkkahlwemye, “Nga etuh pacl nuhkwewa.”7
Korihor el siyuck ke nuhnak muhnahs ke mongo nuh ke na el masrinsracl in misac sin u in mwet Zoramites.8 Ke sahflahiyacn fohs ke sramsram lal nwacnwaclah ke suhpwacr ke ma ma fohlohkyang: “Ac kuht liye lah nguhn fohkfohk el ac fah tiac kahsruh tuhlihk nahtuh; ke lwen sahflah, tuhsruhk el ac fah eisuhltahl nuh can sin ma koluk.”9
Puhsra na Pwacye Se
Ke srihpen Pahpah Tuhmasr Inkuhsrao el luhngse in won uh sesr, El oruh usrnguck nuh sesr in lohng ke Puhsrwacl. Pwacl pucspucs, kuht lohng Sel ke puhla lasr ke Nguhn Muhtahl. El pa Nguhn Muhtahl se ahktolu ke Sifac ke God. El mwet loh luhn Pahpah ac Wen,10 El suhpweyucklac nuh ke “luti [kuht] ma nuhkwewa,”11 ac tuhfah “ahkkahlwemye nuh [sesr] ma nuhkwewa [kuht] enenuh in oruh.”12
Nguhn El sramsram nuh sin kain in mwet pucspucs ke kain in srihpac, El ac kuh in sramsram nuh sin mwet se fanna ke srihpac sahyac ke oacna sie pacl. Ke ma kahlwem uh, luti ke srihpac sahyac El sramsram nuh sesr ke moul in srihke lasr uh. Kuhtuh pacl uh, El sramsram nuh ke mwe “nuhnak lasr uh ac ke [insiyacsr]”13 ke puhsra na srihsrihk ac kuh, fakfuck “selos lah … lohng ke infulwac.”14 Kuhtuh pacl atac Lal “ahkfohsye [kuht] nuhnak [lasr]” kuh pahtok … nuh ke puhla [lasr] uh.”15 Kuhtuh pacl nuhnkwacsr ac tuhfah “ahkngalye [kuht].”16 srackna kuhtuh pacl, El nwek kuhtlac ke engan, ac ahk kahlmwelihk nuhnak lasr,17 kuh sramsram ahkmihsye insiyacsr.18
Sokwack Puhsrwacl
Kuht ac fah sokwack Puhsren Pahpah Tuhmasr ke acn pucspucs. Kuht ac tuhfah sokwack ke kuht pruhe, ke kuht lutlut ke ma suhmuhslah, ke kuht wi alu, sikyak nuh ke sramsram in luhlahlfongi, kuh som nuh ke tempuhl. Ma na pwacye se, kuht ac tuhfah sokwack ke wik se inge.
Mihsenge kuht ahkkweye mukul singucul limekohsr ekihn mwet pahluh, mwet liyactwen, ac mwet eis fwackyuck. Ip luhn nguhn lalos ac ohiyac sang nuh selos ma yohk srihpac se fanna lah kuht arulacna enenuh. Mwe fahkwack lalos arulacna fihsrwacsr in sukokyak ac fwacklac ke nwacsnwacsiyac. Elos fahk nuh sesr meac God El enenuh kuht in etuh, lah el pwengpweng kuh tiac.19
Suk ke Puhsrwacl ke oacna sie suc sin acn inge ma wo, tuhsruhk suk sin inkaiyaclos el wo likina. Ac ke kuht lohng, kuht enenuh in ukwe acn ma srihsrsrihsr nuh sesr. Mwet Sap Jemes el fahk, “Oruh in kom orekmakihn kahs, ac tiac lohng muhkwena.”20 Ac Prestuhn Thomas S. Monson el luti sie pacl ah: “Kuht liye. Kuht sano. Kuht sifilpac srackna lohng, puhsra srihsrihk. Ke ac fwacklac uh, el suc mwenmwen ac muhtwacn uh ahkos.”21
Ke Srihsrsrihsr uh ac Kahkahsrihk Tuhkuh uh
Meet liki ke moul utuftuf luhk uh, siyuckyuck sel Sister Homer ac nga in eis ayaol ke orekma ma srihsrngiyucki nuh sesr. Ke pacl sac, nuh sesr pa in yohk sulwaclah. Kuht lutlut kac, kuht lalo, kuht pruhe, tuhsruhk top uh tuhkuh arulacna kahkahsrihk. Tukun puhluhn pacl, kuht oraclah sulwaclah ac fahsr na nuh meet. Ke kuht oraclah uh, kuht puhlakihn ami ac lotwelah lah sie sulwaclah wolacna pa suc kuht oraclah ah.
Ke ma sahflah uh, kuht lotwelah lah top uh el kuhtuh pacl uh kahkahsrihk na in tuhkuh. Ma inge kuh in sikyak mweyen tiac pacl fahl, kuh ke srihpen top uh tiac enenweyuck, kuh ke srihpen God El luhlahlfongi kuht in oraclah sulwaclah lasr sifacna. Elder Richard G. Scott el sie pacl ah luti lah kuht enenuh in kulohkihn ke kuhtuh pacl ac oraclah olwelah se inge: “Ke kom moulkihn moul in nwacsnwacs ac sulwaclah lom an el oasr ke mwe luti luhn Mwet Lahngo ac kom enenuh in oruh, sahflah ke luhlahlfongiyuck. … God El ac fah tiac fuhlwelah kom in fahsr loes uh meet liki ma ac ahkkahlwemye lah kom oraclah sulwaclah tahfonglac.”22
Kuht enenuh in sulwaclah.
Ac inge, kuht enenuh in sulwaclah lah piyac ke kain in puhsra, kuht ac fah ahkos. Kuh kuht kuh in ukwe puhsra ma tiac oreklac in kolkuht ke facluh se, kuh kuht kuh in oruh in lwelah puhsra luhn Pahpah Tuhmasr in kol kuht ke sulwaclah lasr ac in karihngihn kuht ke ma upac ac tuhkuh nuh sesr? Yohk liki na lahlmwetmwetiyacn kuht suk ke Puhsrwacl, ke ac fihsrwacsr in tuhkuh kuht in lohng uh. Tiac pa Puhsrwacl in yohk tuhsruhk lah kuht kuh in lohngwack kac el yohkwelihk. Mwet Lahngo El olwelah lah fin kuht “lohacng nuh ke kahsruh [Lal], ac sang sie insrac nuh ke kahsruh [Lal],” El “ac fah use yohk nuh [sesr].”23 Nga fahkwack lah olwelah se inge pwacye—nuh sesr kwewa.
Apkuhran nuh ke yac se somlah, misac tamuhlwel wiyuck ke ma kuht tiac etuh sikyak tuh upac se. Muhtuhn yac lal John el nwacnwaclah ke olwelah ac ahksahf lal. Tuhsruhk ke el kapkapwack in mahtohoh, muhsahlah luhn mahno ac nuhnak lal ma tiac wo oruh moul lal arulacna upac. Ke onwelah se el finsraki tiac tuhkuh ke moul lal ah, ahkmuhnahsyeyucklac luhlahlfongi lal John, ahkolah nuh ke sahflah, ke kuhiyacl nohfohn, nuh tok ma pahtpaht.
Ingenna, nga etuh lah John el tiac suwohs, tuhsruhk nga nuhnkuh sie pacl ah lah meac se sang nuh sel kampare sahflah lal. Puhkantwen puhsra ma solwacl in ahkkasrkuhsrakyacl, tuhsruhk el sulwaclah in tiac som. Liki na, el kampare na elan fungyang nuh ke moul ke wosasuc we. El moulkihn moul lal we mweyen el etuh muh el ac fah sokwack puhsra luhn mwet kol fuhlwact lal we; el moulkihn moul lal we mweyen el etuh muh el oasr el in lutiyuck.
Ahksahfye
Tamuhlwel ac Tahmtahel, ke facluh se suc arulacna pohs puhsra okahrkahr, Nga fahkwack lah Pahpah Tuhmasr Inkuhsrao El oruh fihsrwacsr nuh sesr in lohng ac ukwe Puhsrwacl. Fin kuht suhmaht, El ac Wen Nahtuhl ac fah use kolyuck ma kuht suk, kuh ma kuht enenuh, ac engan ma pahtpaht kuht enenuh nohfohn. Ke inen Jisus Kraist, amen.