Ngwetngwet in Luhlahlfongi
Kuht fin sulaclah na sulaclah ma kuht eis ke mwe fahkwack se, kuht tulohkihn ngwetngwet ma pahtpaht lasr, fihliyac pucs yohk srihpacn mukwikwi lasr ingacna.
Fototoiyacn na Srihpsrihpyak Lal, Jisus El nuhnuhnkweyuck sel Pilate ke acn in nuhnuhkuh sac. “Ya kom pa tokosra lun mwet Jew?” Pilate el siyuck ke inse fuhlwact. Jisus El topuk: “Tokosrai luk uh tia ma lun facl se inge. ... Nga isusla ac tuku nu faclu ke na sripa se inge: in kaskas ke ma pwaye. Kutena mwet su ma lun ma pwaye elos porongeyu.”
Ac Pilate el siyuck ke suhlahlahlfongi, “Ac mea ma pwaye?”1
Mihsenge fin facluh se inge, kihsen siyuck se “Meac ma pwacye?” arlac upac in topuk sin mwet lahlmwetmwet luhn facluh.
Ke sukok ke Google lah “Meac ma pwacye?” use pucs liki miliacn se in topuk. Oasr yohrohsr kain in mwe fahkwack ke cell nahtuhsr uh liki na ke puk ma oan tahknwelihk ke lohm in puk ah. Kuht moulkihn ke mwe fahkwack ac sulaclah lasr nwacnwaclah. Kolyuck ac puhsren mwe sruhf wi kuht ke acn nuhkwewa kuht fahsr nuh we.
Sruokyucki ke fohsack mihsenge, arulacna pucs mwet ma liye selos nuh ke kahs ma fwacklac ke yac luo tausin luhmfoko luhn Protagoras nuh sin Socrates ke el fuhsr: “ma pwacye nuh sum,” el fahk, ”pa pwacye nuh sum, ac ma pwacye nuh sihk, pa pwacye nuh sihk.”2
Ma pwacye sin Wosasuc Fohlohkyak luhn Jisus Kraist.
Insewowo ke wosasuc luhn Jisus Kraist, kuht mongfihsrwacsr oruh in etweyuck lah oasr kuhtuh ma muh arulacna sahflah ac pwacye. Ma pwacye inge oacpacna nuh ke tuhlihk mukul ac tuhlihk muhtwacn nuhkwewa nuhtin God.
Ke ma suhmuhslah luti kuht, “Ma pwacye ke ma etweyuck pa ma ke pacl inge, ac ma ke pacl meet ah, ac ma ke pacl fahsruh uh.”3 Ma pwacye liyeyuck pacl meet ah ac fahsruh uh, ahkyohkyelihk nuhnak lasr ke pacl.
Jisus el fahk, “Nga pa inkacnek, pwacye, ac moul.”4 Ma pwacye ahkkahlwemyekuht ohiyac nuh ke moul ma pahtpaht, ac tuhkuh muhkwena sel Mwet Lahngo lasr, Jisus Kraist. Wacngihn inkacnek sahyac.
Jisus Kraist el luti kuht in moul fuhkah, ac, ke Iwaclah Lal ac Moulyak, El use nuh sesr nuhnak muhnahs ke ma koluk lasr ac moul kawihl. Ma inge arulacna pwacye.
El luti kuht lah tiac elyah fin kuht kahsruhp kuh suhkahsruhp, etweyuck kuh tiac etweyuck, lahlmwetmwet kuh fihsrwacsr. Sahyacna, moul in mahno pa in ahkkweye luhlahlfongi lasr ke Leum lasr Jisus Kraist, in sulaclah wo kuh koluk, ac in ahkos masap Lal. Ke pacl se kuht ac ahkfuhlwactye ma sasuc in lutlut ke ma ac ono, ma pwacye ke God somlah nuh tok ke ma inge.
Ke ma sahyacn ke ma pwacye nwe tok ma pahtpaht, pacl nuhkwewa oasr ma tiac pwacye in ahkkolukye tuhlihk nuhtin God ke ma pwacye. Ahngonkahs luhn mwet lokoalok oacna sie pacl nuhkwewa. Lohacng nuh ke ma inge, fahkwack yac tausin luo somlah:
“[Kowos] tiac kuh in etuh ke ma [kowos] tiacna liye. ... [Oacna sie ma mwet oruh] tiac ma koluk se.”
“[God El tiac ahkinsewowoye kowos, tuhsruhk] [mwet] nuhkwewa ac kapkapwack fal nuh ke suhmahtiyacl [sifacna].”5
“Tuh wacngihn srihpac tuh sie mwet suc oacna ... Kraist ... [pa] Wen nuhtin God.”6
“[Ma kowos luhlahlfongi tuhkuh ke srihpen facsin laclfon ac] fohsack luhn [nuhnak] lowos an.”7 Oacpacna mihsenge, pwacye?
Ke Fohlohkyak luhn wosasuc, God El use nuh sesr inkacnek in lotwelah ac etuh ma pwacye ke nguhn: kuht lotwelah ma inge ke ma suhmuhslah, ke pruhe lasr sifacna ac ohiyac sikyak kuht puhlakihn sifacna, ke kahsruh ke mwet pahluh moul ac mwet sap, ac ke kolyuck luhn Nguhn Muhtahl, suc kuh in kahsrwe kuht “etuh ma pwacye ke ma nuhkwewa.”8
Ma Pwacye pa Etweyuck sin Nguhn
Kuht kuh in etuh ma uh sin God fin kuht suk sin nguhn. Paul el fahk, “Ma sin God uh etweyuck sin wacngihn mwet, sahyac na ke oasr Nguhn luhn God. … [Nuh ke] elos etweyuck sin nguhn.”9
Liye sroal se inge ma sel Michael Murphy. Ke ma yohk srihpac se inge, kom ac tiac luhlahlfongi yohk muh pa inge ma sin mwet in sroal ke ahtron muhta luhn mwet uh. Tuhsruhk tuh, ke kom liye tul srihsrihk ke kain in ma kahlwem uh, kom liye kahto ke ma mwet sroal se oraclah.
Oacpacna, kuht liye ip luhn nguhn ke ma pwacye ke God ke ngwetngwet luhn mwet kahlwem ke luhlahlfongi. Paul el fahk: “Kuhtwena mwet suc Nguhn Muhtahl tiac oasr in el, el koflahna kahlwem kac; ma inge ma lahlfon nu sel, mweyen sacohkiyacn ma inge akihlenyuck ke nguhn muhkwena.”10
Ke ma suhmuhslah, pruhe lasr, mukwikwi lasr sifacna, mwet pahluh mihsenge, ac mwe sang luhn Nguhn Muhtahl use nuh sesr in kahlwem ke ip luhn nguhn ke ma pwacye ke innek lasr fin facluh se inge.
Proclamation se Ngwetngwet in Luhlahlfongi.
Kuht srihke liye ke sie mwe fahkwack ke sucu se ke muhta in luhlahlfongi.
Prestuhn Gordon B. Hinckley el ahkuhtweyac “Sucu uh: Sie Mwe Fahkwack nuh fin Facluh” ke mwe fahkwack se inge: “Ke arlac puhkantwen ma kikiacp ma fahkwack tuh pwacye, ke puhkantwen kahs kikiacp lain masap ac luhlahlfongi, ke puhkantwen mwe sruhf in eis ma koluk luhn facluh, kuht puhla tuh fal in ahksensenkackihn [kowos].”11
Mwe fahkwack sac muhtwacwacack: “Mwet nuh kwewa—mukul ac muhtwacn—oreklac ke luhman God. Kais sie pa tuhlihk mukul nguhn ac tuhlihk muhtwacn nguhn wolacna nuhtin pahpah ac ninac inkuhsrao, ac, kais sie eis luhman God ac in kuh in oacna God.”
Ma inge pa ma pwacye ma pahtpaht. Kom ac nga tiacna sikyak ke wacngihn srihpac.
Nga luhngse kahs inge: “Ke moul se met liki moul se facluh inge, tuhlihk mukul nguhn ac tuhlihk muhtwacn nguhn uh elos etuh ac alu nuh sin God muh Pahpah ma Pahtpaht tuhmwaclos uh ac lwelah plwacn Lal.”12
Kuht moul met liki kuht isuslac. Kais sie sesr sifacna pa oan na in kuht nwe tok ma pahtpaht. Ke inkacnek kuht tiac arulacna kahlwem kac, ip luhn nguhn yohrohsr kap kom moul met liki moul uh ke kuh lah suc kac kuht uh inge.13 Kuht eis plwacn luhn God. Kuht etuh lah kuht puhlakihn ma upac, ngal, ac suhpwacr fin facluh se inge.14 Kuht oacyacpac etuh lah Mwet Lahngo ac tuhkuh ac ke kuht oruh lah kuht suwohs, kuht ac fah otyak ke pacl in moulyak, oasr “engan utuckuh nuh [sesr] fin sifacsr nwe tok ma pahtpaht ac ma pahtpaht.”15
Mwe fahkwack sac fahk: “Kuht ahkkweyelah lah moul se inge oreklac ke kohkoh luhn God. Kuht ahkpwacyei lah moul uh muhtahl ac yohk srihpac ke plwacn ke moul ma pahtpaht luhn God uh.”
Plwacn luhn Pahpah ahkkweye kuht mukul ac muhtwacn in use tuhlihk nuh fin facluh ac kunohkohn lasr in karihngihn ahwowo suc soenna isuslac.
Ip Yohk luhn Mwe Fahkwack sac Kahtolacna in Tuhkweni
Kuht fin sulaclah na sulaclah ma kuht eis ke mwe fahkwack se, kuht tulohkihn ngwetngwet ma pahtpaht lasr, fihliyac pucs yohk srihpacn mukwikwi lasr ingacna. Ke pruhe nuhnkuh ke mwe fahkwack ke muhta in luhlahlfongi, kuht enenuh in kahlwem kac lah fuhkah ip yohk uh kahtolacna in tuhkweni, ahkkweye sie sin sie, ahkkahlwemye plwacn luhn Pahpah Tuhmasr Inkuhsrao nuh sin Tuhlihk Nahtuhl.16
Kuh kuht enenuh in lut ke pacl se mwet pahluh luhn Leum el fahkwack ma luhngse Lal ac, nuh sin kuhtuh, oasr kihsen siyuck? Pwacye, kuhtuh mwet lain kahs luhn mwet pahluh ke pacl se,17 tuhsruhk mwet sahyac motko pruhe kihsen siyuck pwacye lalos—kihsen siyuck lah ahkwoye ke mongfihsrwacsr ac ahtron muhta luhn luhlahlfongi. Finne proclamation soko ahkkahlwemyeyucklac ke fihl sahyac, na srackna oasr kihsen siyuck, tuh siena liki kihsen siyuck luhn mihsenge. Srihpac se luhn mwet pahluh pa in kahsrwekuht in topuk kihsen siyuck pwacye lasr.18
Met liki el Prestuhn ke Alu uh, Prestuhn Russel M. Nelson el fahk: “Mwet pahluh liye ma ac fah tuhkuh. Elos liye ma na upac muh mwet lokoalok el fihliyac kuh soenna fihliyac ke innek lasr. Mwet pahluh oacyacpac liye ma kuh in fahlac ac ma ac tuhpan nuh selos suc lohng in lohacng ac ahkos.”19
Nga fahkwack nuh ke ma pwacye ac kuh luhn ma luhn nguhn ke puhsra ke Prestuhnsi se Met ac U luhn Mwet Sap Singucul Luo.
Facluh se Fahsr liki Ma Iuhn God
Ke moul luhk ah, kuht liye facluh eklac na pwacye liki mwe fahkwack sac. Ke pacl se nga fuhsr ac meet liki pacl ac yac in macruht luhk, pucs mwet fin facluh fahsr liki akwuck luhn Leum suc kuht pahngon muh masap ke tiac kosro, tuhkweni in ahko uh pa sikyak muhkwena inmahsrlon mukul se ac muhtwacn se suc olwelah muh macruht. Ke pacl luhk nga yac 20 ac 30, pucs suhnuhn mwet fahsr liki mwe karihngihnyuck muhtahl ke soenna isuslac, in sifacna uniyac soenna isuslac, kuh abortion, eisyuck muh ma wowo se. Ke yac inge uh, pucs mwet forlah som liki masap luhn God lah macruht pa muhtahl ke muhtwacn se ac mukul se.20
Liye pucs mwet forlah som nuh ke ma Leum El akiyac in ahkacsmakihnye kuht ke lwen sacn acn Capernaum ke Mwet Lahngo El ahkkahlwemye ohiyac muhtahl Lal ac ke suhpwacr “pohs suhna sin mwet tuhma lutlut … [fahsrwelihk].”
Mwet Lahngo El foroht nuh sin Mwet Singucul Luo ah: “Kuh kowos ac som pac?”
Peter el topuk:
“Leum, kut ac som nu yurin su? kas ma ase moul ma pahtpat oasr yurum.
“Ac inge kut lulalfongi ac etu lah kom pa El su Mutal su tuku sin God me.”21
Mwet Nohfohn Suhfal ke Mwe Fahkwack Se
Arulacna pohs suhna, fuhsr ac mahtohoh, suc suwohs ac pwacye ke mwe luti ke mwet pahluh, finne nuh ke ma elos puhlakihn tari selos sifacna tiac na ma fal nuh ke mwe fahkwack ke sucu se: tuhlihk suc ma moul suc fohsack ke fahsrelihk luhn sie siacnyacn; tuhlihk fuhsr suc kawuck ac ahkkasrkuhsrakye masap ke tiac kosro; muhtwacn ac mukul tuhfana mwesahs suc kantweyucki ke tiac nwacsnwacs ke muhtwacn kuh mukul tuhma; mukul kuh muhtwacn suc tiac kuh in orek tuhlihk; muhtwacn ac mukul suc macruht nuh sin muhtwacn kuh mukul tuhma suc tiacna wi luhlahlfongi ke wosasuc fohlohkyak; muhtwacn sifacna ac mukul suc, ke ma yohk srihpac, soenna kuh in macruht.
Sie kawuck ke yac 20 fahsruh, suc arulacna yohk srihpac nuh sihk, pa tiac pahyuck mweyen el mukul ma luhngse mukul se, kuh same-sex attraction. Ke el muhta na ke ma pwacye ke olwelah lal ke tempuhl, ahkyohkyelihk ma el oraclah ac talan lal, ac el kuhlwacnsap ke kwewana Alu ac muhtuhn facl lal uh. El pacl nuhkwewa fahk nuh sihk, “Nga kuh in puhla pahkomuhta ke elos suc sulaclah in tiac ahkos masap ke tiac kosro fin facluh se suc kuht moulkihn. Tuhsruhk Kraist El tiac siyuck sesr in ‘tiac ma fin facluh se inge’? Arulacna kahlwem lah akwuck luhn God uh sienna liki elos fin facluh.”
Masap luhn mwet forlah liki inmahsrlon ma sap oreklac sin God. Nuh suwos suc kena ahkenganye God, luhlahlfongi, mongfihsrwacsr, ac oaru enenweyucklac.22
Muhtwacn kiyuck, Kathy, ac nga etuh ke tahmtahel lolacp se, ingena ke el yac 40 kuhtuh, suc mwe sang nuh sel el pihsrlac in kuh in oraclah ma ac fokoko in kuhlwacnsap ke ward lal ah. El pac lohacng nuh ke masap luhn God. El suhmuhslah:
“Nga mwemwekihn lwen se nga ac muh ahkinsewowoyeyucklac wi sie mukul tuhmuhk ac tuhlihk nuhtihk. Nga srwackna tuhpan. Ke kuhtuh pacl, mukwikwi luhk use nuh sik puhluhn sefanna ac tuhlac, tuhsruhk nga srihke in nuhnak suwos liki ma wacngihn sihk tuhsruhk nuh ke ma oasr yuruk ac ohiyac nga kuh in kasruh mwet sahyac.
“Kuhlwacnsap nuh sin sucu na luhlahp se luhk, ke ward luhk, ac ke tempuhl kahsrweyuc. Nga tiac muhlkihnyucklac kuh sifacna mweyen nga sie sin, ac kuht nuhkwewa ma ke, sucu na luhlahp se.”
Oasr Sie Suc Kahlwem
Kuhtuh ac fahk muh, “Kom tiac kahlwem ke moul luhk uh.” Nga tiac kuh, tuhsruhk nga fahkwack lah oasr Sie suc kahlwem.23 Oasr Sie suc etuh ke ma toasr lom ke srihpan kihsackuhnlah Lal oreklac ke acn innimac ac ke sahksin soko. Ke kom Sokol ac ahkos masap Lal, nga olwelah nuh sum lah El ac fah ahkinsewowoye kom ac tahpuhk ma toasr lom muh kom koflah sruhkyuck sifacna. El ac fah usot nuh sum kawuck ma pahtpaht ac pacl kom in kuhlwacnsap. Ma yohk srihpac uh, kom ac nwacklah ke kuh luhn nguhn ke Nguhn Muhtahl ac tohlwack luhngse inkuhsrao Lal feim. Wacngihn sulaclah, wacngihn aholyac muh forlah liki tuhkweni orekma ke Nguhn Muhtahl kuh mwe insewowo ke wacngihn sahflahiyac pa sulaclah in suwohs.
Nga etuh Mwet Lahngo El moul. Nga fahkwack lah El pa mwe ahkkahlwemye ke ma pwacye lah arulacna yohk srihpac ac lah El ac fah ahkinsewowoye elos oacna El olwelah nuh selos suc ahkos masap Lal. Ke inen Jisus Kraist, amen.