2010–2019
U: Sie Acn in Luhngse
Toeni Luhlahp ke Eprel 2019
2:3

U: Sie Acn in Luhngse

By Elder Carl B. Cook

Ke Prestuhnsi luhn Mwet Itngucul

Leum El kena kom in orek u fokoko se. Ke El oracni tuhlihk Nahtuhl, elos enenuh acn se in wi ac kapwack.

Ke 2010, Andre Sebako pa mukul fuhsr se lah suk ma pwacye. Finne el tiacna pruhe nuh pwacye met, el sulwaclah in srihke. Ke pacl fototo somlah el ohsun nuh sin misineri. Elos sang pwacpa srihsrihk se ke petsac ke Puk luhn Mormon. Andre el puhla ma wo ac siyuck sin misineri fin elos kuh in kuhka puk sac nuh sel. Elos fahk muh el kuh in eis puk sac ke wacngihn mani fin el tuhkuh wi alu.1

Andre el sifacna wi acn sasuc Mochudi Pracns fin acn Botswana, Africa. Tuhsruhk branch sac pa u kuhlwacng, fototo nuh sin sie sin sie ke mempucr 40.2 Elos painuhl Andre ke paho ikack. El eis luti luhn misineri na el pacptaislac. Ma ingacn wolacna!

Na meac? Andre el ac muhta fokoko fuhkah? Suc fah kahsrwel in kampare ke inkacnek pwacye? Sie top ke kihsen siyuck sac pa u luhn pristut lal!3

Mwet sruok pristut an, sahyacn ohiyac lal, eis mwe kahsruh ke u fokoko se. Tamuhlwel fuhsr wiyuck suc sruokyac Aaronic Pristut, Leum El enenuh kowos in akiyac u fokoko se, sie acn in luhngse ke kais sie mukul fuhsr, sie acn ma oasr Nguhn luhn Leum, sie acn ma mempucr nuhkwewa luhn u sac kuh in wi ac puhla yohk srihpac. Ke Leum El oracni tuhlihk Nahtuhl, elos enenuh acn se in wi ac kapwack.

Kowos kais sie ma oasr ke prestuhnsi luhn u lowos kol inkacnek uh ke kowos suk moklweyuck6 ac ahkyohkye luhngse ac akiyac un tamuhlwel inmahsrlon mempucr nohfohn luhn u sac. Kowos sang pacl yohk in liyeyuck mempucr sasuc, mempucr muhnahslah, kuh mwet ma elyah.5 Ke kuh luhn pristut, kowos akiyac u fokoko se.6 Ac u fokoko ac insacnweacng se kuh in kahsruh moul luhn mukul fuhsr se.

Ke Alu uh fahkwack lohm-infulwen luti sasuc ke lutlut luhn wosasuc uh,7 kuhtuh mempucr nuhnkuh oacna Andre ac siyuck, “Meac ke mwet fuhsr suc tuhkuh sin sucu ma wacngihn lutlut luhn wosasuc uh ac wacngihn acn in etwaclah ac moulkihn wosasuc uh ke lohm uh? Kuh elos fah muhlkihnyucklac?”

Moh! Wacngihn mwet kuh in muhlkihnyucklac! Leum El luhngse mukul fuhsr nuhkwewa ac muhtwacn fuhsr nuhkwewa. Kuht, ke mwet sruok pristut an, oacna poun Leum. Kuht pa taptap luhn Alu uh nuh ke orekma luhn lohm-infulwen. Fin oasr kahsruh srihsrihk na in lohm se, u luhn pristut ac mwet kol sahyac ac kawuck karihngihn ac tahpuhk kais sie mwet ac sucu suc enenuh.

Nga liye ma inge orekma met. Nga puhla ma inge met. Ke nga yac ohnkohsr, pahpah ninac kiyuck elos fahsrwelihk ac pahpah tuhmuhk som luhkwel ninac kiyuck yurin tuhlihk srihsrihk limekohsr muh el enenuh in karihngihn. Ninac kiyuck muhtwacwacack orekma in karihngihn kuht. El enenuh orekma luo ke lusen pacl se, ac oacyacpac sifilpac lutlut. Pacl srihsrihk na lal in karihngihn. Tuhsruhk ninac pahpah mahtuh, mukul wiyacl ninac kiyuck, muhtwacn wiyacl ninac kiyuck, pisap, ac mwet luti luhn sucu tuhkuh in kahsrwel ninac wowo kiyuck.

Ac oasr u luhk. Nga sruikihn ke kawuck luhk—tamuhlwel wiyuck—suc luhngse ac tahpuhkyuc. U se luhk pa acn in luhngse. Kuhtuh mwet nuhnkuh muh nga suhpah ke srihpen ohiyacn sucu luhk. Sahp pwacye. Tuhsruhk u luhn pristut ekuhlah ma ingen. U se luhk tahpuhkyuc ac ahkinsewowoye moul luhk nuh pwacye.

Oasr mwet suhpah raunikuhtlac. Sahp kuht nohfohn suhpah ke ma se kuh ma sahyac. Oasr u lasr kais sie, acn se muh kuht kuh in eis kuh ac sang kuh. U pa “ma nohfohn ke ma sefanna ac ma sefanna ke ma nohfohn.”8 Pa inge pa sie acn lah kuht kuh in luti sie sin sie, kuhlwacnsap mwet sahyac, ac ahkyohkye orekweni ac un tamuhlwel ke kuht kuhlwacnsuhpuh God.9 Sie acn muh usrnguck kuh in sikyak.

Nga ke sramsram nuh suwos ke kuhtuh usrnguck muh sikyak ke u se lal Andre fin acn Mochudi. Ke nga fahk srihkasrak se inge, lohacng nuh ke ip yohk in ahkkweye u luhn pristut nuhkwewa muh orekmakihn ma inge.

Tukun Andre el pacptaislac, el wi misineri ke elos luti mukul fuhsr ahkosr, suc pacptaislac pac. Inge oasr mukul fuhsr limekohsr. Elos muhtwacwacack in ahkkweye sie sin sie ac pracns lalos.

Mukul fuhsr ahkohnkohsr, Thuso, el pacptaislac. Thuso akacsruhi ke wosasuc uh nuh sin kawuck tolu lal, ac na oasr mukul fuhsr yuc.

Mwet tuhma lutlut uh lal Jisus Kraist kwacna oracni ke ohiyac se—kais kuhtuh ke pacl se, ke elos suliyuck sin kawuck lalos. Pacl met ah, ke Andrew sokwack Mwet Lahngo, el pihsrpihsr in som nuh sin mukul wiyacl Simon ac “us el nuh sin Jisus.”10 In oacna, pacl na sa tukun Phillip eklac mwet suc fahsr tukun Kraist, el suli kawuck se lal Nathanael in “tuhkuh ac liye.”11

Ke acn Mochudi, mukul fuhsr ahksingucul wi Alu uh pacl na sa. Misineri sukokyak mwet ahksingucul sie. Ac mukul fuhsr ahksingucul luo el pacptaislac tukun el liye mwe insewowo luhn wosasuc uh nuh sin kawuck lal.

Mempucr luhn Mochudi Pracns enganwack. Mukul fuhsr inge “eklac forlah nuh sin Leum, ac weacng alu uh.”12

Puk luhn Mormon yohk srihpac in kahsrwelos in etahwi.13 Thuso el esam, “Nga muhtwacwacack riti Puk luhn Mormon … pacl nuhkwewa nga mwesahs, in lohm, in lohm lutlut, acn nuhkwewa.”14

Oratile el tuhkuh in eis wosasuc uh ke srihpen srihkasrak luhn kawuck lal. El ahkuhtweyac: “[Elos] sa in eklac. … Nga nuhnkuh muh … ma inge tiacna oreklac ke srihpen … puk srihsrihk se elos us … nuh lohm lutlut. Nga kuh in liye mukul wowo elos eklac nuh kac. … [Nga] luhngse eklac pac.”15

Mochudi Branch

Mukul fuhsr singucul luo nohfohn oracni ac pacptaislac ke lusen yac luo. Kais sie pa mempucr sefanna luhn sucu lalos. Tuhsruhk elos tahpuhkyuck sin sucu luhn Alu uh, wi pac Prestuhn Rakwela,16 prestuhn luhn pracns lalos; Elder ac Sister Taylor,17 misineri mahtuh; ac mempucr sahyac luhn pracns sac.

Tamuhlwel Junior,18 mwet kol se luhn u uh, suli mukul fuhsr nuh lohm sel ke infulwacn lwen Sacnri ac ahkwoyelos. Mukul fuhsr inge tuhkweni lutlut ke ma suhmuhslah ac oruh ekuh in toeni luhn sucu.

Mempucr suc Muhtwacta

Tamuhlwel Junior usaclos in muhtwacta mempucr, mwet muh lutiyuck sin misineri, ac oacna sie mwet lah enenuh mwet in tuhkuh muhtwacta. Mukul fuhsr singucul luo nohfohn sroacng nuh ke stosah soko okwacl Tamuhlwel Junior. He usaclos nuh lohm luhn mwet sahyac ke un mwet luo kuh tolu ac sruhkwackuhlos piyacng uh.

Finne mukul fuhsr inge lutlutna ke wosasuc uh ac puhla suhpah, Tamuhlwel Junior fahk nuh selos in akacsruhi ke ma se kuh luo elos tuh etuh yurin mwet muh elos som muhtwacta. Mukul fuhsr inge lah sruok pristut an luti, pruhe, ac kahsruh in karihngihn Alu uh.19 Elos oruh kunohkohn lalos luhn pristut ac puhla engan in kuhlwacnsap.

Un Mukul Fokoko Wiyac

Andre el fahk, “Kuht tuhkweni sritacl, tuhkweni isrwacsr, tuhkweni tuhng, ac oracni un tamuhlwel.”20 Pwacye, elos pahngon elos sifacna “U luhn Tamuhlwel.”

Elos tuhkweni orwaclah sie finsrak in kais sie wi misin. Ke srihpen elos pa mempucr luhn Alu sefanna ke kais sie sucu lalos, puhs ma upac elos enenuh in kuhtanglah, tuhsruhk elos kahsruh sie sin sie.

Sie sin sie, mukul fuhsr inge eis pahng in wi misin. Elos muh som met suhmuhslah lwacta nuh selos muh srwackna ahkolah, sramsram ke puhlakihn lalos ac ahkkweyaclos in kuhlwacnsap. Mukul fuhsr singucul sie luhn u se inge wi misin.

Mukul fuhsr inge akacsruhi ke wosasuc uh nuh sin sucu lalos. Ninac, tahmtahel, tamuhlwel, kawuck, ac mwet sahyac elos luti ke misin lalos, etahwilac ac pacptaislac. Ma usrnguck sikyak ac mwet puhkantwen ahkinsewowoyeyucklac.

Nga kuh in lohng kuhtuh kowos nuhnkuh muh sahp ma usrnguck se inge kuh in sikyak fin acn Africa, sie imac uh mwesrlah ke fohlohkweni luhn Israel. Tuhsruhk, nga fahkwack lah akwuck inge orekmakihnyuck sin Mochudi Pracns pwacye fin acn nuhkwewa. Oacna sie acn kom oasr, u se lom kuh in kapwack ke etahwilac ac akacsruhi ke wosasuc uh. Finne ke mwet tuhma lutlut se kahsruh kawuck se lal, sie eklac nuh ke luo. Luo eklac nuh ke ahkosr. Ahkosr eklac nuh ke alkosr. Ac alkosr eklac nuh ke singucul luo. Pracns an kuh in eklac nuh ke ward.

Mochudi Ward

Mwet Lahngo El luti, “Ke mwet luo kuh tolu [kuh mwet puhs] oracni ke Inek, … liye, Nga oasr yohrohlos.”21 Pahpah Tuhmasr Inkuhsrao ahkolah sifen ac insiyacn mwet nohfohn raunwekuhtlac. Kuht kuh in ukwe pihrihkyuck, sang paho in kahsruh, akacsruhi ma pwacye, suli mwet sahyac in riti Puk luhn Mormon, ac luhngse ac tahpuhkuhlos ke elos tuhkuh in etuh Mwet Lahngo lasr.

Yac 10 somlah tari ke U luhn Tamuhlwel Mochudi tuhkweni muhtwacwacack fuhfahsryucsr lalos, ac elos srwackna tamuhlwel.

Kahtlego el fahk, “Kuht sahp fahsrwelihk fin can puhs tuh kuht srwack kahsruh sie sin sie.”22

Pruhe se luhk muh kuht fah eis suliyuck luhn Leum in ukwacl yurin u luhn pristut lasr muh kuht kuh in akiyac sie acn in luhngse, sie acn in oracni, sie acn in kapwack.

Jisus Kraist pa Mwet Lahngo lasr, ac pa inge orekma Lal. Nga fahkwack ke inen Jisus Kraist, amen.

Mwe Ahkkahlwemye

  1. Liye Mark and Shirley Taylor, comp., The Band of Brothers (Mochudi Branch conversion stories and testimonies, 2012–13), 4, Church History Library, Salt Lake City.

  2. Sramsram sifacna, Letanang Andre Sebako, Band of Brothers resource files, 2011–19, Church History Library, Salt Lake City.

  3. Prestuhn Boyd K. Packer el fahk: “Ke mukul se sruokyac pristut an, el wi ma yohk luhkwel sifacna. Ma sac sahyacl sifacna muh kuh in ahksahfyelah olweacng an.” (“The Circle of Sisters,” Ensign, Nov. 1980, 109–10).

  4. Prestuhn Russell M. Nelson el ahkuhtweyac lah fuhkah kuht kuh in suk fwackyuck na el fahk, “Ke kowos sifilpac oruh ma inge lwen nuhkwewa, mahlwem nuhkwewa, yac nuhkwewa, kowos fah ‘kapwack nuh ke ip yohk ke fwackyuck’” (“Revelation for the Church, Revelation for Our Lives,” Liahona, May 2018, 95; liye pac Teachings of Presidents of the Church: Joseph Smith [2007], 132).

  5. Liye Handbook 2: Administering the Church (2010), 8.3.2.

  6. Mwet sahyac kahsruh oac, finne mwet luhn u se luhn pisap ac mwet kahsruh. Elder Ronald A. Rasband el fahk lah mwe kahsruh se ke ahollah luhn U luhn Melchizedek Pristut, fwackyuck ke March 31, 2018, pa “lwelah pisap in aholah orekma puhs nuh sin u luhn elder ac prestuhn luhn Rilif Sosaiti tuh pisap ac mwet kahsruh lal kuh in lohacng nuh ke orekma yohk lalos—yohk na kol kwewa muhtwacn fuhsr, ac mukul fuhsr suc sruok Aaronic Pristut” (“Liye! A Royal Army,” Liahona, May 2018, 59). Lihpufacn ac fah kahsruh pac. Mwet sruok Aaronic Pristut sruokyac ki luhn luti luhn lihpufacn (liye Doctrine and Covenants 13:1; liye pac Dale G. Renlund ac Ruth Lybbert Renlund, The Melchizedek Priesthood [2018], 26). Elder Jeffrey R. Holland el fahk: “Inkaiyacn pacl [luti luhn lihpufacn] tiacna liyeyacn. Kuht pacl elos liyeyacn. Tuh fin elos liyeyacn kuh tiacna elos pacl nuh kwewa oasr. Kuhtuh pacl oasr kunohkohn yohk lalos ac yohk srihpac nuh sin facluh nohfohn. Kuhtuh pacl oasr pweng lukmac lalos. Kuhtuh pacl srihpaclos pa in kai. Tuhsruhk inkaiyacn pacl kunohkohn lalos pa ahkmihs, sang luhng kuhlwacng, kol in pacl upac” (“The Ministry of Angels,” Liahona, Nov. 2008, 29). Fin kowos ke kahsruh inge, kowos kuh in “siyuck ac kom fah eis” (John 16:24).

  7. Liye Russell M. Nelson, “Opening Remarks,” Liahona, Nov. 2018, 7–8.

  8. Liye Alexandre Dumas, The Three Musketeers (1844).

  9. Liye Handbook 2, 8.1.2.

  10. Liye John 1:40–42.

  11. Liye John 1:43–46.

  12. 3 Nephi 28:23.

  13. Liye D. Todd Christofferson, “The Power of the Book of Mormon” (address given at the seminar for new mission presidents, June 27, 2017).

  14. Thuso Molefe, in Taylor, The Band of Brothers, 22.

  15. Oratile Molosankwa, in Taylor, The Band of Brothers, 31–32.

  16. Lucas Rakwela, Mochudi, Botswana.

  17. Mark ac Shirley Taylor, Idaho, USA.

  18. Cilvester Junior Kgosiemang, Mochudi, Botswana.

  19. Liye Doctrine and Covenants 20:46–47, 53–54.

  20. Sramsram sifacna, Letanang Andre Sebako, Band of Brothers resource files.

  21. Liye Doctrine and Covenants 6:32.

  22. Katlego Mongole, in “Band of Brothers 2nd Generation” (unpublished compilation), 21.